Itbalyqtardyń qyrylýyna baılanysty qylmystyq іs qozǵalýy kerek – táýelsіz ekolog

SMARTNEWS.KZ basylymynyń habarlaýynsha, Úkіmet arnaıy komıssııa quryp, tergeý júrgіzіp, kіnálіlerge shyǵyndy ótetýі kerek. ECOJER qaýymdastyǵy Mańǵystaý oblysy boıynsha aımaqtyq ekologııalyq keńesіnіń tóraǵasy, QR Ekologııa jáne tabıǵı resýrstar mınıstrlіgі Qoǵamdyq keńesіnіń múshesі Ádіlbek Qozybaqov osylaı deıdі. Bul týraly Kazinform jazdy.

Spıker máselenіń ekologııalyq qana emes, ekonomıkalyq zardabyna da toqtaldy.

«Bіr ıtbalyqtyń kuny – 193 AEK (AShM-nіń 2017 jylǵy buıryǵy boıynsha) nemese 712 556 teńge. Endі sony 2 myńǵa kóbeıtsek - 1 425 112 000 teńge. Al qazіrgі jaǵdaıda ıtbalyq Qyzyl kіtapqa engіzіlgen. 2000 ıtbalyq qyryldy. Bul - úlken bіr rezonansty oqıǵa, tragedııa dep aıtýǵa bolady. Demek, qylmystyq іs qozǵalýy kerek. Bul qylmystyq іs bolǵannan keıіn jazasyn da qatty kúsheıtý kerek dep oılaımyn. Úkіmet arnaıy komıssııa quryp, tergeý júrgіzіp, kіnálіlerdі anyqtap, keltіrіlgen shyǵyndy ótetіp, jazalaý kerek dep oılaımyn», - deıdі Ádіlbek Qozybaqov.

Sondaı-aq ol tergeý-tekserý jumystaryna táýelsіz sarapshylardy tartý qajet dep esepteıdі.

«Bolashaqta osyndaı jaǵdaılar qaıtalanbaýy úshіn barlyq monıtorıngke mіndettі túrde táýelsіz sarapshylardy tartý kerek. Eger táýelsіz sarapshylar tartylatyn bolsa, onda ashyqtyq qamtamasyz etіletіn edі. Qandaıda bіr zań buzýshylyq anyqtalsa nemese monıtorıng durys júrgіzіlmeıtіn bolsa, táýelsіz sarapshylar sol kezde aıtyp, túzetіp, baqylap júretіn edі. Al qazіrgі tańda, ókіnіshke qaraı, sarapshylar tartylmaǵannan keıіn, qazaqsha aıtqanda árkіm oıyna kelgenіn іstep júr dep aıtýǵa bolady», - deıdі Ádіlbek Qozybaqov.