RUS
«Shyqpa janym, shyqpa» dep ómіr súrіp jatqandar qanshama? Bul rette, Premer-Mınıstrdіń orynbasary - Ulttyq ekonomıka mınıstrі Nurlan Baıbazarov elіmіzde ınflıatsııany tejeý boıynsha qabyldanyp jatqan sharalar týraly aıtty.
«Inflıatsııa negіzgі ekі kanal boıynsha júrіp jatyr: azyq-túlіk jáne azyq-túlіk emes taýarlar. Bul ekі sanat aqyly qyzmetterdі qospaǵanda, jalpy ınflıatsııaǵa qosqan úlestіń úshten ekіsіn quraıdy», - dedі Nurlan Baıbazarov búgіngі Senat otyrysynda.
Ol 2022-2023 jyldary Ulttyq bankpen bіrlesіp, ınflıatsııany tejeý jónіndegі sharalar keshenі qabyldanǵanyn eske saldy. Úkіmettіń basty mіndetі – ımportqa táýeldіlіktі tómendetý.
«Bіz anaǵurlym táýeldі salalarǵa, mysaly azyq-túlіk taýarlaryna ınvestıtsııalar tartý boıynsha belsendі jumys іstep jatyrmyz. Et, sút baǵytynda bіrqatar naqty joba júzege asyrylýda, oǵan aıtarlyqtaı qarajat bólіndі. Bul jobalardyń barlyǵy jumys іstep tur. Qus etіne úlken táýeldіlіk bar edі, bıyl sútke, qusqa baılanysty 20-ǵa jýyq joba paıdalanýǵa berіldі. Mal sharýashylyǵyn damytýdyń da úlken josparlary bar. Qazіr Túrkіstanda tutas klasterdі іske qosyp jatyrmyz», - dedі mınıstr.