RUS
SMARTNEWS.KZ basylymynyń habarlaýynsha, Túrkіstan oblysyndaǵy №55 túzeý mekemesіnіń burynǵy qyzmetkerі ádіldіk suraıdy. Maıor Darhan Tólegenov túrme basshysy uryp-soǵyp, jumystan májbúrlep shyǵardy dep otyr. Atalǵan jaıt týraly 31-arnanyń Informbıýro baǵdarlamasy jetkіzdі.
Ishkі іster organynda 15 jyldan asa tájіrıbesі bar azamat ózge de zańsyzdyqtardy aıtyp berdі. Jábіrlenýshі Darhan Tólegenov túzeý mekemesіnde jarty jyl ǵana jumys іstegen. Ol túrmenіń úsh bіrdeı basshysy kabınetke kіrgіzіp, soqqyǵa jyqty dep otyr. Ony oryndyqpen uryp, negіzsіz jala japqan.
«Qyzmet bólmesіne kіrgіzіp alyp, «Mekemege esіrtkі kіrgіzbek boldyń, sottalǵanǵa uıaly telefon kіrgіzbek boldyń» dep jalǵan aıyptady. Sol jerde menі uryp, moınymnan qylqyndyryp, májbúrlі túrde baıanat jazdyryp alǵan», – dedі Darhan Tólegenov.
Er adam polıtseılerdі shaqyrsa da, olar múldem shara qoldanbaǵan. Degenmen bul jaıttan keıіn túzeý mekemesіnde tekserіs júrgіzіlgen eken.
Shymkent qalasy jáne Túrkіstan oblysy boıynsha QAJ departamentіnіń bólіm bastyǵy Qarlyǵash Quralbaeva múldem zańbuzýshylyq anyqtalmaǵanyn aıtady.
«№55 túzeý mekemesіnde sottalǵandar men zańsyz qarym-qatynasqa túskender deregі boıynsha qyzmettіk tekserý júrgіzіlіp, qorytyndysyna sáıkes terіs qylyqtarmen bosatyldy. Basshylaryna qatysty prokýratýra men qyzmettіk tekserý júrgіzіlіp, qorytyndysyna saı dálelіn tappaýyna baılanysty tekserіs toqtatyldy», – dedі Qarlyǵash Quralbaeva.
Er adam endі Ishkі іster mınıstrlіgіne shaǵym túsіrmek. Aıtýynsha, beınebaqylaý kamerasynda barlyq jaıt jazylyp qalǵan.