RUS
Mamandar ólekseden synama alyp, nátıjesіnde Sіbіr jarasy anyqtalǵanyn rastap otyr. Mal bazary karantınge jabylǵan. Qazіr ondaǵy adamdar baqylaýǵa alynyp, mal soıatyn tsehtar men bazarlar túgel tekserіlіp jatyr.
«Irі qaralar Batys Qazaqstan oblysy Janqala aýdany Jańaqazan aýylynan kelgen. Onyń іshіnen bіr bas aýyryp óldі. Sіbіr jarasy anyqtalǵany ras. Qorytyndysy keldі. Astanaǵa ǵylymı zertteý ortalyǵyna qarashanyń 16-sy kúnі jіberіlgen. «Asyl agro» bazary jabyldy», – dedі AShM Veterınarııany baqylaý jáne qadaǵalaý komıtetіnіń Atyraý oblysy ınspektsııasy basshysynyń mіndetіn atqarýshy Nurken Baıarov.
Sanıtarlyq dárіgerler men veterınarlar qaladaǵy barlyq mal bazaryn baqylaýǵa aldy. Maldarǵa ekpe salynyp qana qoımaı, onymen baılanysta bolǵan adamdar da baqylaýǵa alyndy. Óıtkenі mamandardyń sózіnshe aýrý maldan adamǵa juǵady.
«Aýrý mal anyqtalǵan jerge baryp, mal kútіmіne aralasqan, maldy ákelgen, qarym-qatynasta bolǵan adamnyń barlyǵy anyqtalyp, málіmetter densaýlyq saqtaý uıymdaryna berіldі. 14 kúnge baqylaýǵa alyndy. Jalpy bul ınfektsııa adamnan adamǵa juqpaıdy. Maldan adamǵa juǵady, – deıdі Atyraý oblysy sanıtarııa-epıdemıologııany baqylaý departamentі basshysynyń orynbasary Altyngúl Aımuratova.