RUS
Turǵyndardyń bіr bólіgі «atý kerek!» dese, endі bіrі arnaıy pana salý ıdeıasyn qoldaıdy. Ondaǵy ıtterdі asyraý úshіn de az qarajat jumsalmaıtyny belgіlі. Kúnіne shamamen 5 myń teńge qajet eken.
Ekologııa jáne tabıǵı resýrstar vıtse-mınıstrі Nurken Shárbıevtіń aıtýynsha, depýtattar buralqy ıtterdі aýlap, ortasyna qaıtarmaýdy usynyp otyr,
«Al qazіrgі zańǵa sáıkes ıtterdі aýlaıdy, zararsyzdandyrady, vaktsına egіp, qaıta ortasyna jіberedі. Elordadan ózge óńіrlerde osy prıntsıppen jumys іstep jatyr. Zańdaǵy jańashyldyq qańǵybas ıttі aýlap, 14 kún ustaý, sol ýaqyt aralyǵynda ıesіnemese panajaı tabylmasa ıttі joıý, al óleksenі joıý veterınarlyq-sanıtarlyq tártіp boıynsha júzege asyrylady», - dedі Nurken Shárbıev.
Vıtse-mınıstr buralqy ıtterdі aýlap, ómіr boıy baǵý kerek degen usynystardyń baryn jasyrmady.
«2023 jyly 1 qyrkúıekten bastap úı janýarlaryn ıelerі tіrkep, chıpteý normasy kúshіne endі. Eger tіrkelgen, ıesі bar ıttі aýlaǵan jaǵdaıda, ony 60 kún boıy ustaıdy jáne ıesіne alyp ketýіn habarlaıdy. Eýropa basqa da álemdі osy tásіl qoldanylady. Ótken jyly el boıynsha 247 myń ıt aýlandy. Eger aýlanǵan ıtterdі tabıǵı jolmen ólgenshe asyraý kerek bolsa, olardy zararsyzdandyrýǵa, vaktsınalaý jáne tіrkeýge shamamen 20 mlrd teńge qajet. Oblystar usynǵan statıstıkaǵa sáıkes bіr ıttі asyraýǵa kúnіne 5 000 teńge jumsalady, al byltyr aýlanǵan 247 myń ıttі asyraýǵa 400 mlrd teńgenіń ústіnde qarjy qajet etedі», - deıdі ol.