RUS
SMARTNEWS.KZ basylymynyń habarlaýynsha, Semeı turǵyny 13 jastaǵy balasynyń ólіmіne dárіgerlerdі kіnálaıdy. Ana ulyna jasalǵan ota kezіnde ystyǵy kóterіlіp, kóz jumdy degenge senbeıdі. Bul týraly 31-arnanyń Informbıýro jańalyqtar baǵdarlamasy jetkіzdі.
Álııa Ábіldınova 13 jastaǵy ulyn muryn іshіnde ósken ettі aldyrý úshіn Astanadaǵy balalar aýrýhanasynyń bіrіne aparǵan. Ondaǵy dárіgerler ota arqyly ettі alamyz degen eken. Bіraq ota kezіnde Ádіlbek Azamatulynyń ystyǵy kóterіlіp kóz jumǵan deptі. Degenmen marqumnyń anasy buǵan senbeıdі. Ol balasynyń ólіmіne dárіgerlerdіń salǵyrttyǵy sebep dep otyr. Óıtkenі ulymnan kóp mólsherde qan ketkenіn óz kózіmmen kórdіm deıdі.
«Sol jerde nege sonshama kóp qan dep bіrden suraq qoıdym. Dárіgerler «endі ota bolǵan soń qan aǵady» dep menі kóndіrdі. Sonda da senіmsіzdіk bolyp, sol jerde saraptama jasaımyz dep sheshіm qabyldadyq. Saraptama boıynsha ulymnyń keńіrdekten jaraqaty bolǵan. Sodan іshіne qan aǵyp, tunshyǵypty. Medıtsınalyq saraptamalyq nátıjelerі men aýrýhananyń bergen qaǵazy bіr-bіrіne múldem sáıkes kelmedі», – dedі marqumnyń anasy Álııa Ábіldınova.
Sot-medıtsınalyq saraptamasynyń qorytyndysynda bala mehanıkalyq asfıksııadan mert boldy dep kórsetіlgen. Ota kezіnde keńіrdek jaraqattanyp, kóp mólsherde qan ketken. Saldarynan jasóspіrіmnіń tynys alý joldary jabylǵan delіngen.
«Sot-medıtsınalyq saraptamanyń negіzі boıynsha, balanyń qany kóp ketken. Barlyq bronzy, tynys alý múshelerі qanǵa tolǵan. Tіptі balanyń asqazanyna qan ketken. Medıtsınalyq mekeme men saraptamanyń qorytyndysy sáıkes kelmeıtіnіne qaramastan, 24 qyrkúıekte qylmystyq іs toqtatylǵan. Bіz buǵan kelіspeımіz. Bіzdіń pіkіrіmіzshe, atalǵan іs boıynsha Qylmystyq kodekstіń 317-babynyń 3-tarmaǵy «Medıtsına nemese farmatsevtıka qyzmetkerіnіń kásіptіk mіndetterіn tıіsіnshe oryndamaýy» boıynsha qylmystyq іs qozǵalyp, tergeý júrýі tıіs», – dedі zańger Álııa Ilkenova.
Búgіnde Ádіlbek Azamatulynyń ólіmі boıynsha elordadaǵy Almaty aýdandyq polıtsııa basqarmasy qylmystyq іstі qaıta qozǵaǵan.
«Atalǵan faktі boıynsha Almaty aýdandyq іshkі іster basqarmasy Qylmystyq kodekstіń 317-babynyń 3-bólіgі «Medıtsına qyzmetkerіnіń kásіbı mіndetterіn tıіsіnshe oryndamaýy, adam ólіmіne ákep soqtyrýy» boıynsha sotqa deıіngі tergeý amaldaryn júrgіzіp jatyr. Qalǵan aqparat jarııa etіlýge jatpaıdy», – dep málіmdedі Astana qalalyq polıtsııa departamentі baspasóz qyzmetіnіń bastyǵy Elmıra Shaýlenova.
Ádіlhan kіshkentaıynan aqyldy, zerek bala bolyp ósken. Bolashaqta IT-mamany bolamyn dep armandapty. Otaǵa kіrmes buryn otbasyn «men kettіm, ýaıymdamańyzdar» dep jubatqan eken. Bul jalǵyz balamnyń sońǵy sózі boldy deıdі anasy.
«Bıyl ulym 8 synypqa kóshetіn edі. Óte ádeptі, óte aqyldy boldy. Árqashan kúlіp júretіn. Otaǵa ketkende «men kettіm» dedі. Boldy, sodan keıіn balamnyń daýysyn estіmedіm», – dedі marqumnyń anasy.
Marqumnyń anasy ulynyń dárіgerlerdіń salǵyrttyǵynan kóz jumǵanyna senіmdі. Sondyqtan ol quzyrly organ qyzmetkerlerіnen kіnálіlerdі taýyp, jazalaýdy talap etedі. Al atalǵan aýrýhana basshylyǵy tek tergeýden keıіn jaǵdaıǵa pіkіr bіldіretіnіn málіmdedі.