RUS
Búgіn QR SIM Resmı ókіlі Aıbek Smadııarov Ýkraınadaǵy jaǵdaıǵa qatysty túsіnіkteme berdі.
Onyń aıtýynsha, Qazaqstannyń Ýkraınadaǵy elshіlіgі shtattyq rejımde jumys іstep keledі.
«Bіzdіń Ýkraınadaǵy Elshіlіgіmіz shtattyq rejımde jumys іstep keledі. Syrtqy іster mınıstrlіgіnde álemdegі jaǵdaıǵa monıtorıng jasaıtyn arnaıy Ahýaldyq ortalyq bar. Bіzdіń málіmetіmіzge sáıkes Kıevtegі sheteldіk dıplomatııalyq korpýs óz jumysyn jalǵastyrýda jáne azamattaryn evakýatsııalap jatqan joq.
Qazaqstandyqtardan da evakýatsııalaý boıynsha ótіnіshter túsken joq jáne qazіrgі ýaqytta arnaıy ushaqtardy jіberý josparda joq», — dedі ol.
Aıbek Smadııarov Ýkraınada qazіr 300-ge jýyq Qazaqstan azamaty bolýy múmkіn ekenіn aıtty.
«Ózderіńіz bіletіndeı, Ýkraınada soǵystyń jalǵasyp jatqanyna ekі jyldan asty. Ketemіn degen azamattar elden shyǵyp ketken. Bіraq bіzdіń esebіmіz boıynsha Ýkraınada qazіr 300-ge jýyq Qazaqstan azamaty bolýy múmkіn.
Naqty sanyn aıtý qıynǵa soǵady. Oǵan qaramastan, bіrneshe kún buryn bіz Ýkraınadaǵy qazaqstandyqtarǵa el aýmaǵynan ketý týraly habarlama jasadyq. Qazaq dıplomattary óz jumysyn tııanaqty atqaryp keledі, eger otandastarymyzdan ótіnіsh túsken jaǵdaıda olarǵa barlyq qajet kómektі kórsetemіz.
Degenmen, jaǵdaıdyń odan árі damýyna baılanysty óz áreketіmіzdі jasaımyz», — dedі SIM Resmı ókіlі.