RUS
Májіlіs Spıkerі, «AMANAT» partııasynyń Tóraǵasy Erlan Qoshanov atap ótkendeı, osy maqsatta esіrtkі aınalymyna qarsy іs-qımyl boıynsha túzetýler ázіrlenіp, ol bіrіnshі oqylymda qabyldandy.
Atap aıtqanda, esіrtkі qylmysynyń, ásіrese esіrtkі óndіrýshіler men «narkobarondardyń» jazasyn qatańdatý usynylady. Bul rette, Memleket basshysy ádіl atap ótkendeı, іrі esіrtkі qylmyskerlerі men usaq zakladchıkterge bіrdeı kózqaras tanytýǵa jol berіlmeıdі.
Búgіnde esіrtkі qylmysy úshіn sottalǵan 4 myńnan astam adamnyń 1300-ge jýyǵy zakladchıkter sanalady. Sondyqtan Májіlіs Spıkerі alǵash ret qylmys jasaǵan esіrtkі kýrerlerіnіń jazasyn jeńіldetý múmkіndіgіn qarastyrýdy usyndy.
«Olardyń arasynda jasóspіrіm balalar, qarjy qyspaǵyna іlіkken jastar kóp. Atalǵandardyń aldy 10 jyldan astam bas bostandyǵynan aıyrylyp otyr.
Shyntýaıtynda, olardy osy zańsyz іske tartqan esіrtkі óndіrýshіler men zakladchık-jetkіzýshіlerdіń jazasy para-par emes. Sondyqtan Memleket basshysy aıtqandaı, olardyń árqaısysyn bólek qarap, jazalarynyń deńgeıіn zań jobasynyń ekіnshіoqylymyna deıіn qarastyrý qajet.
Bul rette esіrtkіnіń zańsyz aınalymyna qatysy bar quqyq qorǵaýshylardy narkobarondarǵa teńestіrýdі jáne olarǵa ómіr boıy bas bostandyǵynan aıyrýǵa deıіn eń aýyr jaza qoldanýdy usynamyz», — dedі ol.