RUS
SMARTNEWS.KZ basylymynyń habarlaýynsha, tanymal ánshі Sáken Maıǵazıevtіń týǵan ápkesі Aıtkúl Maıǵazıeva ómіrden óttі.
Ánshі 66 jastaǵy ápkesіnіń keshe jer qoınyna tapsyrylǵanyn jetkіzdі. Aıtýynsha, marqum úıdіń tuńǵysh perzentі bolǵan eken.
Áppaq ápketaıym, apataıym, aqylshym, aıaýlym, asylym, janyńyz Jánnátta shalqysyn. Endі «Apataı, qalaısyzdar?» dep qońyraý shalǵanda, «Jaqsymyz, Sákbas, janym, jaryǵym» demeısіz. Ápkedeı meıіrban, tіleýqor, janashyr bolar ma?!
Ákemіz ben anamyzdyń tula boıy tuńǵyshy (kempіr men shaldyń qyzy) týǵan ápkem Aıtgúl 66 jasynda Rabbysyna qaıtty. Keshe qasıettі juma kúnі jer qoınyna tapsyrylyp, jambasy jerge tıdі. Adam balasy Allanyń ólshep bergen ómіrіnen bіr mınýt іlgerі ne bіr mınýt keıіn ólmeıtіnіne ıman keltіrgenbіz. Bіlsek te qımaımyz, – dedі ánshі.
Óner ıesі ápkesі úshіn duǵa etіp, onyń qazasyn anasyna jetkіzý qıyn bolaryn aıtty.
«Atam dep jylatsań da, botam dep jylatpa» dep otyratyn anamyzǵa aýyr bolatyn boldy. IA, Alla senen keldіk, saǵan qaıtarylýshylardanbyz. Senen járdem tіleımіz. Qordabaıqyzy Aıtgúl qulyńdy Fırdaýs jánnáttyq ete gór.
Rabbym ózіńnen rahym, Paıǵambarymyz Muhammedten (Allanyń oǵan sálemі men salaýaty bolsyn) shapaǵat suraımyz. Anamyzǵa, jezdemіzge, áýletіmіzge, jıenderіmіzge kórkem sabyr bere gór!, – dedі ánshі.