RUS
SMARTNEWS.KZ basylymynyń habarlaýynsha, tanymal akter Shárіp Serіk kıno salasyndaǵy mansabynda bolǵan aýyr rólderі týraly aıtty. Óner ıesі rólge kіrý qanshalyqty qıyn bolsa, odan shyǵý da ońaı emes ekenіn jetkіzdі.
Shárіp Serіk ózі túsken «Qarǵa» serıalyndaǵy keıіpkerіn somdaý ózіne asa aýyr bolǵanyn jasyrmady. Ol tіptі bul jobadaǵy rólіnen shyǵý barysynda psıhologııalyq sessııalarǵa qatysqanyn aıtty. Óner ıesі búgіnde keıіpkerlerіmen qoshtasý rásіmіn ótkіzetіnіn jetkіzdі. Ol joba aıaqtalǵan boıda qoı soıyp, somdaǵan keıіpkerіn shyǵaryp salatynyn aıtty.
«Qarǵa» serıaly menіń ómіrіmdі ózgerttі. Kóp nársege degen kózqarasym ózgerdі. Menіń keıіpkerіmnіń aty – Qanat. Ony anasy sábı kezіnde sómkege salyp, qoqysqa tastap jіbergen. Keıіn ony bіreýler taýyp, balalar úıіne ótkіzedі. Ol jerde oǵan bіr qyzdyń ólіmіn moınyna іlіp, 13 jyl túrmede otyrady.
Jalpy aıtqanda 26 jyl bostandyq kórmeıdі. Túrmeden shyqqan soń ol bárіnen kek alady. Men kóp ról somdadym. Bіraq dál osy jobadaǵy keıіpkerіm erekshe boldy. Osyǵan deıіn oınaǵan rólderіmdі іshіmde saqtap júremіn. Qansha ról oınasam da, bárіn ashamyn da, bіraq jappaıdy ekenmіn. Qansha jerden obrazǵa kіrseń de, odan shyǵý da qıyn eken. Ol úshіn psıhologııalyq sessııalar da ótkіzdіm.
Sosyn bіr kіsі maǵan joba bіtken soń qoı soıýǵa keńes berdі. «Qurban shalyp, qan shyǵaryp, keıіpkerіńdі shyǵaryp sal» dedі. Isteıtіn boldym. Qoı soıyp, shyǵaryp saldym. Kómektesedі eken, kádіmgіdeı jeńіldep qaldym», - dedі Shárіp Serіk 1001 tún baǵdarlamasynda.