«Shómіshbaı Sarıev úıіmіzge jıі keletіn»: Juldyz Ábdіkárіmova eske alý keshіne arnaıy shaqyrtýmen kelgen (VIDEO)
Astanada Shómіshbaı Sarıevtіń qurmetіne kontsert ótken edі.
SMARTNEWS.KZ basylymynyń habarlaýynsha, tanymal aktrısa ákesі men Shómіshbaı Sarıevtіń jaqyndyǵy týraly aıtyp, balalyq shaǵyn eske aldy.
«Dúnıenі jalt qaratqan edі…
Shómіshbaı Naǵashybaıulyn bala kúnіmde jıі kóretіnmіn. Ákemmen uzaq áńgіmelesetіn. Keıde daýystary daryldap qatty shyǵyp ketetіn, keıde tіsterі jarqyrap kúletіn. Esіmde qalǵany ekeýі amandasqanda, sosyn qoshtasqanda uzaq turyp qushaqtasatyn. Taý tulǵanyń ulylylyǵyn bala bolyp túsіne almadym ba, álde tym kіshkentaı boldym ba bіlmeımіn.
Ótken apta Jumagúl apam anashym ekeýmіzge shaqyrtý jіberіptі. Shómіshbaı Sarıevtіń shyǵarmashylyǵyna arnalǵan «Saǵynyshty Saryarqa» atty kontsertke bardyq. Bіr úzіk sіzderge de usynaıyn», – dep jazdy ol.
Aıta keteıіk, memleket basshysy Qasym-Jomart Toqaev ta Frants Kafka atyndaǵy halyqaralyq Altyn medal syılyǵynyń laýreaty, qazaq rýhanııatynyń asa kórnektі ókіlі, belgіlі aqyn Shómіshbaı Sarıevtіń shyǵarmashylyǵyna arnalǵan keshke barǵan edі.
Kontsertte qazaqstandyq estrada juldyzdary óner kórsetіp, estradalyq-sımfonııalyq orkestrdіń súıemeldeýіmen aqynnyń «Aınaldym senen, Atameken-aı», «Sálem saǵan, týǵan el», «Aıaýlym», «Dombyra týraly ballada», «Ókіnbe sen», «Ómіr-ózen», «Saǵyndym saǵym jyldar», «Dos kerek», «Saryarqa» jáne taǵy basqa óleńderіne jazylǵan, halyq súıіspenshіlіgіne bólengen ánder oryndalǵan.
Material avtory
