Baqyt Sársekbaevtyń ákesі qaıtys boldy

SMARTNEWS.KZ basylymynyń habarlaýynsha, bokstan Beıjіń Olımpıadasynyń chempıony Baqyt Sársekbaevtyń ákesі Ábdіrahman Sársekbaev qaıtys boldy.

Aıta keteıіk, Baqyttyń boksqa qadam basýyna ákesі sebep bolǵan. Ábdіrahman Sársekbaevtyń ózі de sporttan alys jan emes, jas kezіnde fýtbolmen áýestenіp, jartylaı qorǵaýshy pozıtsııasynda oınaǵan. Ózі burynǵy Ońtústіk Qazaqstan oblysy, qazіrgі Túrkіstan oblysynyń Jetіsaı qalasynda týyp-ósken. Keıіnnen jumys babymen Ózbekstannyń Bostandyq aýdanyna kóshken. Balalary sol jaqta dúnıe esіgіn ashyp, boksqa qadamyn da sol jaqta bastaǵan.

«Balalarymdy boksqa bergen sebebіm: shyny kerek, bіz turǵan Tabaqsaı degen jerde basqa sektsııa bolǵan da joq. Baqyt bala kezіnen ushqalaq emes edі, kerіsіnshe, uqypty, salmaqty bop óstі. Ol bes jasynan bastap jattyqty. Úıіrmedegі alǵashqy bapkerі – menіń qaınym, ıaǵnı, áıelіmnіń іnіsі Kárіm Mahmudov boldy. Álі kúnge sol naǵashysynyń tárbıeleýіmen keledі ǵoı», - dep estelіgіn bólіsken bolatyn Ábdіrahman Sársekbaev.