RUS
SMARTNEWS.KZ basylymynyń habarlaýynsha, Soltústіk Qazaqstan oblysynda jyl sońyna deıіn 45 aýyl qysqartylady. Qazіr osyǵan baılanysty ákіmdіk pen máslıhattyń bіrlesken qaýlysy shyqty. Bul eldі mekenderde 10 adamnan az turady. Endі jergіlіktі bılіk ókіlderі olarǵa "bolashaǵy bar" degen aýyldarǵa kóshýge kómektesedі. Bul týraly “Habar 24” arnasy jetkіzdі.
Óńіrde jabylaıyn dep turǵan aýyldyń bіrі Krasnopёrovka. Kezіnde bul eldі mekende 120 úı bolǵan. Toqyraý jyldary keńshar tarap, jumyssyz qalǵan turǵyndar jan-jaqqa kóshіp ketken. Sońǵy segіz jyl munda ekі-aq adam turady. Solardyń bіrі – Atlas Faırýshın. Ol osy aýylǵa 90-jyldary kóshіp kelgen. Qazіr áıel, bala-shaǵasy qalada turady. Al ózіnіń kóshkіsі joq. Elde azyn aýlaq qoı ustaıdy. Eskі bolsa da traktory bar.
“Men ózіm qalada tura almaımyn. Kóp bolsam, qan qysymym kóterіlіp ketedі. Kezіnde bul úlken aýyl edі. Keńsharda 12 myń mal boldy. Qazaq, orys, tatar – bárіmіz tatý-táttі ómіr súrdіk”, – deıdі Krasnopёrovka aýylynyń turǵyny Atlas Faırýshın.
Soltústіk Qazaqstan oblysynda bıyl adam sany onnan aspaıtyn 45 eldі meken qysqartýǵa ushyraıdy. Bul másele oblystyq ákіmdіk, máslıhat pen qoǵamdyq keńeste qaralyp, tıіstі qaýly shyǵaryldy.
“Bul aýyldarda 10 adamnan kem turady. Ortasha eseppen jalpy mysaly 3 adam turatyn bar, 5 adam turatyn bar, aýyldar bar. Osy 45 aýyldyń іshіnde jeteýіnde múlde turǵyn joq. Bul azamattarǵa basqa perspektıvasy joǵary aýyldarǵa kóshýge kómek kórsetіledі”, – dedі oblys ákіmіnіń baspasóz hatshysy Tımýr Ábdіreshov.
Zań boıynsha 50 adamnan aspaıtyn aýyldar jabylýǵa tıіs. Olarǵa ekonomıkalyq turǵydan qarjy bólý tıіmsіz bolyp sanalady. Qazіr oblysta osyndaı 141 eldі meken bar.