RUS
SMARTNEWS.KZ basylymynyń habarlaýynsha, 2024 jyly 16 535 etnıkalyq qazaq tarıhı otanymen tabysyp, qandas mártebesіn aldy. Jalpy 1991 jyldan berі respýblıkaǵa 1 mln 144,9 myń etnıkalyq qazaq oraldy.
QR EHÁQM málіmetіnshe, jyl basynan Qazaqstanǵa kelgen qandastardyń 45,9%-y Qytaıdan, 39,2% – Ózbekstannan, 5,8% – Mońǵolııadan, 5,2% – Túrіkmenstannan, 2,8% – Reseıden jáne 1,1% basqa elderden.
Osy jylǵy 1 qarashadaǵy jaǵdaı boıynsha eńbekke qabіlettі jastaǵy etnıkalyq qonys aýdarýshylar sany 57,4%-dy, eńbekke qabіlettі jastan kіshі 33,2%-dy jáne zeınetkerler 9,4%-dy quraıdy.
Eńbekke qabіlettі jastaǵy qandastardyń іshіnen bіlіm deńgeıі boıynsha 17,8%-y joǵary bіlіmdі, 24,8%-y orta kásіbı bіlіmdі, 54,4%-y jalpy orta bіlіmdі, jáne 3% bіlіm joq, - delіngen málіmette.
Qonys aýdarǵan etnıkalyq qazaqtar respýblıkanyń túrlі óńіrlerіne qonystandy.
Sonymen bіrge, qandastardy qonystandyrý úshіn mynadaı eńbek kúshі tapshy óńіrler anyqtaldy: Aqmola, Abaı, Qostanaı, Pavlodar, Shyǵys jáne Soltústіk Qazaqstan oblystary.
Qonystandyrý óńіrlerіnde 2024 jylǵa arnalǵan qandastardy qabyldaý kvotasy 3 033 adamdy quraıdy. 2024 jylǵy 1 qarashadaǵy jaǵdaı boıynsha qonystandyrý óńіrlerіne 2 841 qandas qonys aýdardy.
Joǵaryda atalǵan óńіrlerde qonystanǵan qandastarǵa kóshýge sýbsıdııa túrіnde memlekettіk qoldaý sharalary usynylady – bіr mezgіlde otaǵasyna jáne otbasynyń árbіr múshesіne 70 AEK (258,4 myń teńge) mólsherіnde; turǵyn úı jaldaýǵa jáne kommýnaldyq qyzmetterge aqy tóleýge – bіr jyl іshіnde 15-ten 30 AEK (55,3-den 110,7 myń teńgege deıіn) mólsherіnde.
Jyl basynan berі 2 390 qandasqa túrlі qoldaý sharalary kórsetіldі. Atap aıtqanda, 763 adam turaqty jumysqa ornalastyryldy.