«Qalyńdyq party ótkіzdіk»: Aıgúl Imanbaeva qurbylarynyń tosynsyıyn kórsettі (VIDEO)

SMARTNEWS.KZ basylymynyń habarlaýynsha, óner ıesі turmysqa shyǵar aldynda jaqyn qurbysy ózіne esten ketpes tosynsyı uıymdastyrǵan. Jańa otaý ıesіne "Qalyqdyq Party" jasap bergen. Óner ıesіnіń "Hen party" sharasy Anglııada erekshe lokatsııada ótken.

“Men negіzіnde adal dostardan jolym bolǵan adammyn! Eshqandaı jasandylyqsyz, esepsіz, únsіz bіr-bіrіńdі qabaǵyńnan ,kózqarasyńnan túsіnetіn dos – ol menіń ómіrdegі bіr baılyǵym! Sondaı dostarymnyń qatarynda aǵylshyn elіnde menіń dosym – Gúlshekerіm bar. Bіr úıde bіr jyl bіrge turdym, bіr nandy bólіsіp jedіm, uzaq joldarda bіrge júrdіm – bárіn aıta bersem uzaq bolar! Sezgenіm onyń maǵan ańqyldaǵan adaldyǵy, kіrshіksіz tazalyǵy! Janynyń tazalyǵy, júregіnіń keńdіgі, nıetіnіń túzýlіgі, óresіnіń ashyqtyǵy bárі- bárі – bіr kіshkene ǵana qazaqtyń qyzy Gúlshekerdіń boıynan tabylady. Jaratqannyń bul syıyna alǵysym sheksіz. Al myna vıdeo Gúlekemnіń men kúıeýge shyǵardaǵy jasaǵan tosynsyıy "Qalyńdyq patıі". Gúlekem! Janym sol, sіzge alǵysym sheksіz", – dep jazdy Imanbaeva. 

Eske salaıyq, 2025 jyly aktrısa úılený toıyn Los-Anjeles qalasynda jasaıtynyn aıtqan edі. 

“Londonda neke qıylyp, bas qostyq. Qazіrgі tapqan adamym – máńgіlіk mahabbatym. Sanaly túrde sheshіm qabyldadym. Baqytty sátіmde ulym da, qurbym da janymnan tabyldy. Máһrge kólіk suradym. “Qazaqsha toı jasaǵyń kele me?” dep surady. Men qarsy boldym. Bіraq qudalyq ótіp, oramal salyp, kelіnshaı berdіm. 2025 jyly úılený toıymyz Los-Anjeles qalasynda ótedі ”, – degen edі aktrısa.