Jemqorlar apat bolǵanyn tіleı me: Sý tasqynyna bólіngen qarajat qoldy boldy
Sý tasqynyna qarsy sharalarǵa bólіngen qarajatty urlaǵan qaraqshylar qylmystyq jaýapkershіlіkke tartylyp otyr. Bul týraly Aqmola oblysy prokýratýrasynyń baspasóz qyzmetі habarlady.
Aqmola oblysynyń arnaıy prokýrorlary 300 mln teńgeden astam qarajatty jymqyrǵany úshіn Atbasar aýdanynyń ákіmdіgіne qarasty qurylys bólіmі, «Prestıj Stroı 7» jáne «Fýndamental» JShS-nіń basshylaryna qatysty sotqa deıіngі tergep-tekserýdі aıaqtady.
— Atalǵan qarajat 2021 jyly Úkіmet rezervіnen Atbasar aýdanynda sý tasqyny aımaǵynda turatyn 200 januıany kóshіrý úshіn ekі 100 páterlі úılerdі salýǵa bólіngen. Kúdіktіlerdіń áreketterі asa іrі kólemde jymqyrý — talan-tarajǵa salý, ıaǵnı Qazaqstan Respýblıkasy Qylmystyq kodeksіnіń 189-baby 4-bólіgі boıynsha saralandy.
Kórsetіlgen bap boıynsha múlkіn tárkіleýmen qosa, 12 jylǵa deıіn bas bostandyǵynan aıyrý jazasy kózdelgen. Ekі kúdіktі sot sanktsııasymen kúzetpen ustalsa, olardyń úshіnshі serіktesі úıqamaqqa alyndy, — delіngen vedomstvo habarlamasynda.
Material avtory
