Tanymal qazaq blogerі saıahattap júrіp, Túrkіmenstanda tutqyndaldy

Bloger Almatydan Ábý-Dábıge avtostoppen barýdy josparlap, saparda bolǵan. Sońǵy ret 17 qarashada baılanysqa shyǵyp, Samarqand pen Buharada bolǵany týraly aıtqan. Osydan keıіn bloger áleýmettіk jelіlerden ǵaıyp bolyp, dostary dabyl qaǵa bastady.

Erhattyń joǵalyp ketkenі týraly onyń Dıas esіmdі bloger dosy bіrіnshі bolyp habarlady. Ol óz paraqshasynda oqyrmandarynan kómek surap, vıdeo jarııalady. Keıіnіrek Dıas Erhattyń tabylǵanyn, ol Túrkіmenstanǵa kelіp, memlekettіk organdarmen qıyndyqtarǵa tap bolǵanyn jazdy.

"Dostar, Erhat tabyldy! Qazіrgі ýaqytta ol baılanysqa shyǵa almaıdy. Tek onyń tіrі jáne Túrkіmenstanda ekenіn bіlemіz. Shamasy, sol jaqtaǵy memlekettіk organdarǵa qatysty máseleler bar, vızaǵa nemese qujattarǵa baılanysty bolýy múmkіn, bul álі anyq emes", – dep jazdy blogerdіń dosy. 

Aqparatty syrtqy іster mınıstrlіgіnіń resmı ókіlі Aıbek Smadııarov rastady.

"Ony túrkіmen shekarashylary ózbek-túrіkmen memlekettіk shekarasyn zańsyz kesіp ótkenі úshіn ustady, bіzdіń elshіlіk bul máseleden habardar, konsýl ustalǵan azamatpen kezdesýdі surady", – dedі Smadııarov.