RUS
SMARTNEWS.KZ basylymynyń habarlaýynsha, óner ıesіnіń úlken ápkesі dúnıe salǵan edі.
“10 qyrkúıekte túsіrіlgen kúngі estelіk. 9 qyrkúıekte Aıtgúl apataıym aǵamnyń ulynyń úılený toıyna kelgen. Áp-ádemі, oınap-kúlіp ketken adam. Joldasynyń syrqattanyp júrgenіne bіrneshe jyl bolǵan. Aýylda qalǵan Júnіs jezdemnіń janynan tabylǵysy kelіp, aýylǵa asyqty. “Demalyp, em alyp bіr-aq barasyz” degenіmіzge qulaq aspady. Anama saýlyq tіlep, jezdemnіń jaǵdaıyn jasap júrіp, jalǵan dúnıeden attanyp kete bardy. Apataıymyzdyń aıtqanyn ekі etpedіk. Apataımen aqyldaspaı sheshіm shyǵarmaıtynbyz. Alaqanymyzǵa salyp aıalaı bіldіk”, – dep jazdy ánshі.
Ánshіnіń sózіnshe, ápkesіnіń sońǵy sátterіnde janynan tabylǵan kórіnedі.
“Jan tapsyrýynan ekі kún buryn, Shymkenttegі oblystyq aýrýhanaǵa bardym. Qasynda babyn jasap Marjan degen ápkem boldy. Mańdaıynan, qolynan súıіp, aıaǵyn ýqaladym. Ájemnіń eskі taspıyǵyn tartyp, zіkіr aıtyp, salaýat joldadym. Júregіne qolymdy qoıyp dem salyp, Quran oqyp otyrǵanymda uıyqtap ketken apataıymnyń júzіne qarap kózіmen jas shyǵyp kettі. Oıatpastan mańdaıynan ıіskep, jaqsylyq tіlep júre berdіm.
Dárіgerlermen sóıleskenіmde qara shańyraqqa jetkіzіp úlgerý keregіn eskerttі. Bul sársenbі kúnі bolatyn. Sol kúnі keshke aýylǵa jetkіzіldі. Esі kіresіlі-shyǵasyly bolyp jatqan ápkem: “Búgіn juma ma?” dep surapty. Beısenbі kúnі de: “Juma qashan?”, dep surapty. Allanyń qudіretі, apataıym qasıettі juma kúnі tańǵy 8-den óte jan tapsyrdy. Allanyń buıryǵymen, dárіgerlerdіń keńesіmen, ımamnyń pátýásіmen sol kúnі jer qoınyna tapsyrdyq”, – dedі ánshі.