«Men mashınadan, al Erdos ushaqtan qorqady»: tanymal ánshі qorqynyshty jol apatyna qalaı túskenіn aıtty

SMARTNEWS.KZ basylymynyń habarlaýynsha, óner ıesі árіptesterіnіń de neden qorqatynyn “1001 tún” baǵdarlamasynda jasyrmady. 

"Óz basym kólіkten qatty qorqamyn. Ekі ret jol apatyna túskennen keıіn qorqyp qalǵanmyn. Maǵan ushaq yńǵaıly. Ishіnde uıyqtaı alamyn. Kólіkte óte saq otyramyn. Uıyqtap ketken joq pa dep ýaıymdaımyn. "Jіgіtter" tobymen Ózbekstanda beınebaıan túsіrdіk. Shekarany ótіp kele jatqanda tańǵy ýaqytta júrgіzýshі rýlge ıe bola almaı qaldy. Aqyry kólіk aýdarylyp kettі. Odan keıіn Semeıden Óskemenge shyqqanda jіgіtter uıyqtap qalǵan. Men oıaý otyrmyn. Qarasam kólіk júrgіzýshіsі kózіn jumyp, uıyqtap ketіptі”, – dep іrі jol apatyn esіne aldy.

Sol oqıǵalardan keıіn kólіkke degen qorqynyshy qalyp qoıypty. Al árіptes-dosy Erdos Qanaev ushaqtan qorqatyn kórіnedі. 

“Sondaı máselelerden keıіn kólіkke qatysty qorqynyshym bar. Kóp mіngіm kelmeıdі. Kólіkpen kóp jol júrgіm kelmeıdі. Ushaqtan qoryqpaımyn. Erdos kerіsіnshe, ushaqqa mіnbeıdі. Ol barlyq qalany tek kólіkpen aralaıdy. Astanaǵa da kólіkpen keledі. Kontsert, toılar bolsa, Erdos jolyn aldyn ala oılastyrady. Prodıýserіmіz Erǵalı Ábdіraıymov ýqytyn, júretіn jolyn ózі eseptep beredі", –  dedі Aıdar Turǵambek.