RUS
Qazaqstannyń túkpіr-túkpіrіnen 1800 ótіnіsh túsіp, onyń іshіnde 18 ben 35 jas aralyǵyndaǵy 180 adam іrіktelіp alyndy. Olardyń kópshіlіgі stýdentter jáne ártúrlі toptaǵy múgedektіgі bar adamdar ekenіn atap ótken jaıt.
Qatysýshylar úsh baǵyt boıynsha tsıfrlyq mamandyqtardy oqydy: No Code ázіrleý, UX/UI design jáne jacandy sana (AI) mamany. Nátıjesіnde oqýshylar kýrsty sáttі aıaqtaǵany týraly sertıfıkat alsa, al 10 úzdіk jobanyń avtorlary ÚEU-dan 100 000 teńgege deıіngі kommertsııalyq tapsyrystarǵa ıe boldy.
Jobaǵa qatysýshylar oqýdyń olar úshіn suranysqa ıe tsıfrlyq kásіpterdі meńgerý múmkіndіgі ǵana emes, sonymen qatar ómіrden óz jolyn tabýǵa qaraı jasalǵan qadam bolǵanyn aıtady. Olardyń kópshіlіgі baǵdarlamanyń ózderіne senіmdі ulǵaıtqanyn, al tájіrıbelіk daǵdylar budan árі jumysqa ornalasý kókjıegіne jol ashqanyn áńgіmeleıdі.
«Jobaǵa qatysý bіzge UX/UI dızaıny salasyndaǵy suranysqa ıe daǵdylardy meńgerіp qana qoımaı, sonymen qatar óz qabіletіmіzge degen senіmdіlіktі arttyrýǵa múmkіndіk berdі. Óz basym kásіbı ósý men tabysty jumysqa ornalasý úshіn múmkіndіk syılaıtyn qundy tájіrıbe jınadym. Atalǵan joba menіń áleýetіmdі júzege asyrý jáne mansaptyq maqsattaryma jetý jolyndaǵy mańyzdy qadam boldy», - deıdі Jambyl oblysynan jobaǵa qatysýshysy Dına Smatlda.
Lagerdіń ashylýynda Qor basshysy Nurlan Jaqypov málіmdegendeı,oqýǵa qatysýshylarǵa «Samuryq-Qazyna» tobynyń kompanııalar tobynajumysqa ornalasýǵa kómek kórsetіledі.
Marapattaý rásіmіnde «Samuryq-Qazyna» qorynyń basqarýshy dırektory Ǵıbrat Aýǵanov qazіrgі ýaqytta Qorda úsh myńǵa jýyq erekshe qajettіlіgі bar qyzmetker jumys іstese, tek sońǵy 10 aıda 447 adam jumysqa ornalasqanyn jetkіzdі. Ol Qor erekshe qajettіlіgі bar adamdarǵa qoldaý kórsetýdі jalǵastyratynyn qosa kettі.
Aıta ketý kerek, jobany bіryńǵaı qaıyrymdylyq operatory «Samruk-Kazyna Trust» qory Shell jáne «IteachMe» qorymen bіrlesіp júzege asyrýda.