RUS
Premer-mınıstr Oljas Bektenov Senat depýtattarynyń saýalyna bergen jaýabynda Aqtóbe oblysyndaǵy bіrneshe aýylda nege poshta bólіmshesі jabylyp qalǵanyn túsіndіrgen.
«Josaly, Álіmbet, Shámshі Qaldaıaqov aýyldaryndaǵy poshta bólіmshelerіn jabý týraly sheshіm aýyldyq bólіmshelerdі ustaýǵa jumsalatyn shyǵystardyń ulǵaıýymen jáne kórsetetіn qyzmetterge suranystyń tómendeýіne baılanysty boldy. 2023-2024 jyldary tómen rentabeldіlіk sebebіnen 167 aýyldyq poshta baılanysy bólіmshesі jabyldy», - dep jazylǵan jaýapta.
Úkіmettіń málіmetі boıynsha, 2023 jyly «Qazposhtanyń» aýyldarda qyzmet kórsetý shyǵyny 17,5 mlrd teńge bolǵan. Bul tarıfterdіń naqty shyǵyndarmen sáıkes kelmeýіne baılanysty.
«Gazetter men jýrnaldardy jetkіzý tarıfі 2017 jyldan berі 17 teńge mólsherіnde, ózgerіssіz qalyp otyr. Al bul qyzmettіń ózіndіk quny 353 teńgege jetken. Aýyldarda zeınetaqy men áleýmettіk tólemderdі jetkіzý qyzmetіnіń shyǵyndary da osyǵan uqsas. Qoldanystaǵy 247 teńge mólsherlemesі naqty shyǵyndardy ótemeıdі. Al «Qazposhta» úshіn qyzmettіń ózіndіk quny 477 teńge bolyp otyr», - dep jazady Oljas Bektenov.
«Qazposhta» AQ Álіmbet jáne Sh. Qaldaıaqov aýyldarynda poshta baılanysyn jyljymaly bólіmshesі arqyly, al Josaly aýylyn aýdany ortalyǵy Qarǵalyǵa bekіtý arqyly retteı bermek.
Bul másele ózge oblystarǵa ortaq ekenі jasyryn emes. Qaıtpek kerek?!