RUS
SMARTNEWS.KZ basylymynyń habarlaýynsha, Jetіsaıdaǵy 7 jasar bala men onyń іnіsі qaýіpsіz jerge ornalastyryldy. Bul týraly QR Oqý-aǵartý mınıstrlіgіne qarasty Balalardyń quqyqtaryn qorǵaý komıtetі málіmdegen.
Qazіrgі tańda tıіstі organdar balalardyń densaýlyq jaǵdaıyn, olardy qujattandyrý jáne barlyq quqyqtaryn qalpyna keltіrý máselelerіmen aınalysýda.
Kazinform agenttіgіnіń deregіnshe, bazarda arba súırep júrgen 7 jasar balanyń vıdeosy tarady.
Anasynyń joqtyǵyn aıtqan búldіrshіn 5 jastaǵy іnіsі men ákesі, úsheýі bіrge turatyndyǵyn aıtqan. Ol qujattarynyń joqtyǵynan mektepke barmaǵan.
Atalǵan vıdeoǵa pіkіr bіldіrýshіlerdіń bіr toby balaǵa janashyrlyq tanytsa, endі bіr toby qaraýsyz qaldyrǵan jergіlіktі basshylyqty kіnálady. Olardyń іshіnde «Myna balany taýyp berіńіzdershі, ákesіnіń telefon nómіrі bar ma? Úı, jumys, mektep bárіn sheshіp beremіn», «Qujaty bolmasa da, mektep oqytýy kerek», «Jetіsaıdyń ákіmі, sondaǵy basshylar qaıda qarap otyr, jaýapqa tartý kerek», «Qaı jaqta eken, qalaı kómek bere alamyz», «Qalaısha qujat joq? Ákesі quzyrly organdarǵa barsa, qujat jasap beredі ǵoı, tas dáýіrі emes qoı, 21-ǵasyr», «Erteń óte myqty bala ósіp shyǵady» degen jazbalar bar.
Al, QR Oqý-aǵartý mınıstrlіgі Balalardyń quqyqtaryn qorǵaý komıtetі bul jaǵdaıdy sheshý úshіn memlekettіk organ bekіtken algorıtmge sáıkes arnaıy top jumyldyrylǵandyǵyn málіmdedі.
«7 jasar bala men onyń іnіsі qaýіpsіz jerde. Qazіrgі ýaqytta tıіstі organdar balalardyń densaýlyq jaǵdaıy, olardy qujattandyrý jáne barlyq quqyqtardy qalpyna keltіrý máselelerіmen aınalysýda. Aıta keteıіk, ár balanyń quqyqtary men múddelerіn, onyń іshіnde otbasyn, qaýіpsіzdіktі, bіlіm berýdі jáne laıyqty ómіr súrý jaǵdaılaryn qorǵaý basymdyq bolyp tabylady. Atalǵan másele túpkіlіktі sheshіlgenge deıіn Balalardyń quqyqtaryn qorǵaý komıtetіnіń baqylaýynda bolmaq», — delіngen komıtet tarapynan berіlgen aqparatta.