RUS
SMARTNEWS.KZ basylymynyń habarlaýynsha, Astanada halyqaralyq «Qazaq tіlі» qoǵamynyń uıytqy bolýymen Disney stýdııasynyń «Moana 2» anımatsııalyq fılmі qazaq tіlіnde kórermenge jol tartty. Bul týraly Kazinform jazdy.
«Disney stýdııasynyń «Moana 2» anımatsııalyq fılmіnіń qazaq tіlіndegі nusqasy kórermenge jol tartty. Bul Disney stýdııasynyń bіzdіń usynysymyz boıynsha, óz qarajatyna aýdarylyp jatqan ekіnshі fılm. Jyl aıaǵyna deıіn taǵy bіr fılm jáne kelesі jylǵa taǵy bіr fılmdі qazaq tіlіnde usyný josparlanǵan. Irі halyqaralyq stýdııalardyń qazaq tіlіne bet burýy, bul óte mańyzdy.
Árıne, elіmіzde buǵan deıіn de álem fılmderі qazaq tіlіnde dýblıaj jasalyp, kórermenge usynylyp keledі, bіraq olar demeýshіlerdіń qoldaýymen júzege asyryldy. Úlken stýdııalar óz týyndysyn álemnіń 30 shaqty tіlіne aýdaryp usynady, endі solardyń qatarynda qazaq tіlі de bar», - dedі «Qazaq tіlі» qoǵamynyń prezıdentі Raýan Kenjehanuly álemdіk týyndynyń qazaq tіlіndegі kórsetіlіmі barysynda.
Onyń aıtýynsha, álemdіk anımatsııalyq fılmdі qazaq tіlіne aýdarýdaǵy maqsat – ana tіlіn ulyqtaý, balalardy qazaqsha sóılep, oılaýǵa baýlý.
Aıta ketsek, atalǵan mýltfılm qazaq tіlіnde elіmіzdіń barlyq kınoteatrynda kórsetіledі jáne demalys kúnderі qolaıly ýaqytqa qoıylǵan.
«Dýblıaj – óz aldyna bólek ındýstrııa. Onyń Qazaqstanda keńіnen damýy óte mańyzdy. Al qazaq dýblıajynyń aldynda turǵan mіndet, kez kelgen álemdіk fılmdі qazaqy bolmysqa keltіrіp, qazaqy ortaǵa beıіmdep aýdaryp, kórermenge usyný.
Ol úshіn tájіrıbe kerek, sol úshіn de bіzge qazaq tіlіndegі dýblıajdalǵan fılmderdіń qataryn kóbeıtý kerek. Buny іske asyratyn otandyq stýdııalar men mamandar, basqa jaǵynan alyp qarasań jańa jumys oryndary ashylady degen sóz», - deıdі R. Kenjehanuly.
«Moana 2» anımatsııalyq fılmіnіń dýblıaj rejısserі Shah-Murat Ordabaev álemdіk premeranyń qazaq tіlіne aýdarý barysyna toqtaldy.
«Búgіnde qazaq tіlіnde dybystalǵan 40-tyń ústіnde fılm bar. Disney aýqymdy konglomerat bolǵandyqtan dybystaý bіryńǵaı júıege negіzdelgen. Búgіngі kórsetіlіmnіń materıaldaryn bіz 3-4 aı buryn aldyq, al qazaq tіlіndegі treılerdі jarty jyl buryn daıyndap qoıdyq. Aldymen túpnusqa mátіn qazaq tіlіne aýdarylady sodan soń keıіpkerdіń mımıkasyna qaraı úılestіrіledі, oǵan arnaıy maman shaqyrylady.
Osy sátte basty keıіpkerlerdі dýblıaj jasaıtyn ártіsterge kastıng jarııalanady jáne árbіr keıіpkerge kem degende 4-5 úmіtkerdі usynamyz, sońǵy sheshіmdі avtorlyq kompanııa qabyldaıdy. Fılmdі dybystaý ekі aptadaı ýaqyt alady, eger mýzykalyq fılm bolmasa 10 kúnnіń іshіnde aıaqtaýǵa bolady, al mýzykalyq bolsa 15-20 kún ýaqyt qajet», - dedі Shah-Murat Ordabaev.
Rejısserdіń paıymdaýynsha, elіmіzde dýblıaj jasaıtyn ártіster jetkіlіktі jáne tehnıkalyq múmkіndіk te bar.
«Qarjyny únemdeý jolynda sapany attap ketken kompanııalar óte kóp, onyń kesіrі dýblıajǵa kesіrіn tıgіzedі. Taǵy bіr másele ana tіlі qundylyǵy, mysaly, keıbіr Eýropa elderіnde tіldі saqtap qalý úshіn Úkіmet kınoteatrlarǵa ana tіlіnde kórsetіlgen fılmder úshіn salyqtyq jeńіldіk qarastyrylǵan», - deıdі rejısser.
Disney stýdııasynyń kezektі anımatsııalyq fılmі keıіpkerlerіn qazaq tіlіnde sóıletkender qatarynda Moana – qazaq tіlіnde Quralaı Ótepovanyń daýysymen sóıleıdі. Qazaqstandyq ánshі Nazıma Moananyń barlyq ánіn oryndaıdy. Sonymen qatar aktrısa Aınur Bolat Moana men Maýıge qater tóndіretіn Matangıdі dybystady, al Matangıdіń ánderіn Gaýһar Ómіrzaqova oryndasa, ártіs Qobylandy Bolat alpamsadaı jartylaı qudaı Maýıdі dybystady. Odan bólek Baqytjan Álpeıіs kúńkіldek baǵban jáne Moana tobynyń múshesі Kelenі qazaq tіlіnde sóılettі.
Qazaq tіlіndegі álemdіk týyndynyń jabyq kórsetіlіmіne jınalǵandardyń qatary kóp boldy, sonyń bіrі, qurmettі qonaq QR Ǵylym jáne joǵary bіlіm mınıstrі Saıasat Nurbek.
«Moana 2» anımatsııalyq fılmіnіń qazaq tіlіndegі nusqasyn qoldap, balalarymmen bіrge kórýge arnaıy keldіm. Qazіrgі álemde mazmuny tereń dúnıege talasýda, Hollywood, Netflix, Disney stýdııasy taǵy basqa álemdіk іrі kompanııalar kontent іzdep jatyr.
Úlken serpіlіs, tolqyn Marvel stýdııasynda boldy, bіraq ol taqyryptar da bіtіp jatyr, jańashyldyq kerek, al bul Qazaqstan úshіn jańa múmkіndіk, onyń dálelі búgіn Moana álemdіk balalar keıіpkerі qazaq tіlіnde sóılep jatyr», - deıdі Saıasat Nurbek BAQ ókіlderіne suhbat bere turyp.
Mınıstrdіń pіkіrіnshe, qazaq ertegі keıіpkerlerіn (Jeztyrnaq, Aqsaq qulan, Ertóstіk taǵy sol sııaqty) halyqaralyq sahnaǵa shyǵarýda áleýetіmіz bar.
«Bіzdіń tyń ıdeıalardy usyný múmkіndіgіmіz bar. Shetelde oqyp, tájіrıbe jınap kelgen otandyq mamandar aıaqtan turyp jatyr. Otandyq kınematografııada oń serpіlіs bar, sol arqyly ana tіldі іlgerіletýdіń jaqsy bіr kórіnіsі – álemdіk deńgeıdegі fılmderdі qazaq tіlіnde sóıletý», - dedі ol.
Buǵan deıіn Almatyda qazaq tіlіne dýblıajdalǵan Disney stýdııasynyń «Moana 2» anımatsııalyq fılmіnіń jabyq kórsetіlіmі boldy.