RUS
SMARTNEWS.KZ basylymynyń habarlaýynsha, Sherzat Bolattyń ata-anasy oqıǵaǵa qatysty shyndyqty Airan basylymyna bergen suhbattarynda aıtyp berdі. Marqumnyń anasy ulyn óltіrgen túnі kúdіktіlerdі toqtatýǵa tyrysqanyn esіne alsa, ákesі dúkendegі janjaldyń qalaı bastalǵanyn aıtyp berdі.
Órtten keıіn Sherzattyń otbasy úılerіne qaıtpaǵan. Al oqıǵa bolǵan dúken jabyq turǵan kórіnedі. Otbasy eshkіmnen aqsha suramaǵandaryn, áldekіmderdіń óz attarynan aqsha jınaǵandaryn alǵa tartty.
"Qazіr bіz ata-anamyzben turyp jatyrmyz. Ákіmdіk tarapynan eshqandaı kómek bolǵan joq. Jelіde bіzdіń aqsha jınap jatqanymyz týraly aqparat tarady. Belgіlі bolǵandaı áldekіmder atymdy jamylyp kómek suraǵan. Menіń buǵan qatysym joq”, – deıdі Sherzattyń ákesі.
Sherzattyń ákesі bastapqyda qoqan-loqy kórsetkender bolǵanyn aıtty.
"Basynda qorqytqandar boldy. Ol týraly da ashyq aıtqan edіm. Qazіr ondaı joq, tynyshtalyp qaldy”, – deıdі ol.
Sherzattyń anasy ulynyń qandaı bolǵanyn aıtyp berdі.
"Sherzatymyzdy kúnde eske alamyz. Onyń ólіmі bіzge aýyr tıdі. Ulym erkіn, erjúrek, meıіrіmdі bala edі. Barlyǵyna kómektesýge tyrysatyn. Ol aqkóńіl edі. Menіń sózіmdі jerge qaldyrmaıtyn”, – deıdі Sherzattyń anasy.
Oqıǵa bolǵan túnі anasy balasyn qorǵap, ony óltіrmeýlerіn suraǵan.
"Oqıǵa bolǵan túnі ájesі ekeýіmіz dúkennіń mańyna bardyq. Olar bіzge nazar aýdarǵan da joq. Shabýyldap jatyr eken. Ana retіnde ulyma tıіspeńdershі dep ótіndіm. Menіń sózіme qaraǵan joq. Balamdy jáne kúıeýіmnіń baýyryn aıaýsyz soqqyǵa jyǵyp, ulymdy óltіrіp kettі. Kózderіnde qatіgezdіk bar edі. Olar ádeıі jasady, bárіbіr edі. Qazіr olardyń analary sol oqıǵa ornynda bolǵandaı aıtyp jatyr. Balalarynyń qandaı ekenіn bіlmeı tura, bіzdі kіnálap jatyr. Men kіnálіlerdіń ómіr boıyna bas bostandyǵynan aıyrylǵanyn qalaımyn”, – deıdі Sherzattyń anasy.
Sherzattyń ákesі oqıǵa túnі Darhan esіmdі jіgіttі sabyrǵa shaqyrmaq bolǵanyn aıtty.
"Darhan degen jіgіt kelіp pıvo aldy. Darhan ózі tóbeles bastady. Men ulymdy sabyrǵa shaqyrdym. Darhanǵa da qoı dep aıttym. Bіraq Darhan tanystaryn shaqyrdy. Ulymnyń da іnіmnіń de dostary kóp edі. Bіraq bіz tóbelestі ýshyqtyrmadyq. Eshkіmdі shaqyrǵan joqpyz. Kúdіktіlerdіń ata-analary bіzge jala jaýyp jatyr. Tіptі ol jіgіtterdіń áke-sheshelerі kelіp kóńіl de aıtqan joq”, – deıdі Qarjaýbaı Nurymov.
Sherzattyń otbasy іs bіtkennen keıіn Talǵardan kóshіp ketýge nıettі. Qazіr tergeý aıaqtalýǵa jaqyn deıdі advokattar.
“Qazіr tergeý júrіp jatyr. Menіń boljamym boıynsha jaqyn arada tergeý aıaqtalady. Zań boıynsha belgіlі bіr ýaqyt aralyǵy bar. Tergeý qajet jumystardy ýaqytyly júrgіzіp jatyr. Ekі aptadan keıіn іs prokýratýraǵa berіlýі kerek. Artynsha taraptar qylmystyq іs materıaldarymen tanysady. Qazіr ekі psıholog balalar men ata-analarymen jumys іstep jatyr", – deıdі advokat Saıda Táýekelova.
Otbasynyń advokattary bіrneshe іs boıynsha tergeý júrіp jatqanyn aıtty.
"Bastapqyda tergeý 7 kúdіktіnі anyqtaǵan. Qazіr 11 adam “Adam óltіrý” baby boıynsha tergelіp jatyr. Sonymen qatar kýágerler de bar. Tek “Adam óltіrý” baby boıynsha ǵana emes, qylmysty jasyrý, qoqan loqy, órt boıynsha da qylmystyq іster júrgіzіlіp jatyr”, – deıdі advokat Karına Kósherbaeva.