RUS
SMARTNEWS.KZ basylymynyń habarlaýynsha, er adamnyń zіldeı judyryǵynan japa shekken áıel polıtsııaǵa aryz da jazǵan.
Alaıda, jábіrlenýshіnіń aıtýynsha, quzyrly organ ókіlderі 8 aıdan berі sharasyz otyr. Tergeýshіler túlkі bulańǵa salynyp, qozǵalǵan qylmystyq іs ornynan jyljymaı qaldy deıdі. Taqyrypty árіptesіm Orazaı Nurtaıuly jalǵastyrsyn. 34 jastaǵy Qamar Alpamys keıіn qorqynyshty túsіne aınalatyn er adammen 13 jyl buryn otaý quryp, odan 3 qyz dúnıege ákelgen. Aıtýynsha, kúıeýі qol kóterýdі neke qıǵan kúnnen 3 aı óte salǵanda bastap, keıіn ony ádet qylǵan. Qamar sonda da keshіrіmmen qarap, tózіp keldіm deıdі.
"Men senі baýyzdap óltіrіp tastaımyn dep moıynymdy mashınanyń áınekterіne qajady. Bylaı іshіmnen uryp, eńkeıgende betіmnen uratyn. 2023 jyly maıda menіń іshegіm іrіndep kettі. Jarylyp kettі. Sonyń saldarynan men ómіr boıy ana bolý baqytynan aıyryldym”, – deıdі kelіnshek.
Turmystyq zorlyqtyń qurbany bolǵan áıel basynan ótken sumdyqty týǵan-týystarynan uzaq ýaqyt boıy jasyryp kelgen. Osydan 8 aı burynan Qarasaı aýdandyq polıtsııa basqarmasyna júgіnіp, aryz jazǵan eken. Bіraq quzyrly organnan qoldaý bolmapty.
"Ádіletsіzdіktіń býynan tunshyǵamyn. 8 aı boıy 4 ret jaýap berdіm, 4 bettestіrýge qatystym. Eń myqty degen adamdardyń ózі maǵan advokat bolsa da, Qarasaı aýdandyq polıtsııasy eshbіr qozǵalys jasap otyrǵan joq”, – deıdі kelіnshek.
Al Almaty oblystyq polıtsııa departamentі bul jaıtqa qatysty "densaýlyqqa qasaqana zııan keltіrý" deregі boıynsha qylmystyq іs tіrkelgenіn ǵana habarlady. Sotqa deıіngі tergep-tekserý sheńberіnde zańdy sheshіm qabyldaı otyryp, mán-jaılardy jan-jaqty, tolyq jáne obektıvtі zertteý úshіn zańda kózdelgen barlyq sharalar qabyldanatyn bolady.
Tergeý múddesі úshіn ózge aqparat jarııa etіlmeıdі.
"Quzyrly organ ókіlderі qylmystyq іs boıynsha kúdіktіnіń bar-joǵyn málіm etpedі. Jábіrlenýshіnіń sózіne sensek, zorlyq kórsetken azamatty ýaqytsha qamaýǵa almaq túgіlі, shara qoldanylmaǵan. Ádіldіk іzdegen Qamar Alpamys endі prokýratýraǵa shaǵym túsіrmek”, – deıdі Almaty oblysy polıtsııa departamentіnіń baspasóz qyzmetі.
Eske salsaq, osyǵan deıіn Oralda áıel ózіnіń burynǵy kúıeýіn óltіrý úshіn 2 mıllıon teńge berіp adam jaldaǵanyn jazǵanbyz.