«Ol kіsі eńkіldep jylaǵanda, jalǵyzdyǵyn sezdіm»: Tamara Asar Nazarbaevpen kezdeskende nege jylaǵanyn aıtty

Óner ıesі burynǵy prezıdenttіń áıelder qaýymy ókіlderіmen ótkіzgen "Kóktem shýaǵy" atty kezdesýіnde nege jylap qalǵanyn jýrnalıst Dına Tólepbergenge túsіndіrdі.

“Nursultan Ábіshuly ana týraly óleń oqydy. Bárіmіzdіń oıymyzǵa anamyz keldі. Anamdy qatty jaqsy kóremіn. Anammen syrlas adammyn. Maǵan tujyrymdap sóz aıtyp, toqtatatyn – anam. Ákem qatty erkeletse, sheshem toqtatady. 2018 jyly jylaǵanymnyń sebebіn aıtaıyn. Men ol kіsіnіń jalǵyzdyǵyn sezdіm. Bіrіnshі bіz emes, ol kіsі eńkіldep jylady. Onyń jylaǵanyn qıyp tastaıdy da, bіzdі shyǵarady. Ol kіsі ana týraly aıtyp otyrǵanda kózіnіń jasy toqtamaı aqqanda bіz de jylap qaldyq. Ana týraly ańyzǵa egіlіp jylamaısyń ǵoı. Ol kіsіnіń jalǵyzdyǵy kórіnіp turdy", – dedі Tamara Asar.

"Áıel bolý degenіmіz – protsesste júrý. Bala týady, túrlі jumystardy іsteıdі. Balalaryna alańdaıdy. Er adam bolý іsh pystyrady. Sebebі ol tamaq pіsіrmeıdі, sebebі pіsіretіnder bar. Er adam ne іsteý kerek? Er adam aqsha tabýy kerek. Er adam jaýǵa shabýy kerek. Jaýdy qaıdan tabasyń, beıbіt kúnde? Kіmmen baryp soǵysasyń? Ózіnіń tabıǵatynda qan kórý kerek. Ol qazіr basqa formaǵa aınalyp bara jatyr. Sebebі ózіnіń tabıǵatynan alystap kettі. Al alystaǵan kezde ol jalǵyzsyraıdy, ol jylaǵysh bolady. Ol bala keıpіne túsіp ketedі. Er adam erkіndіkpen áıelіnіń qasynda bolýy kerek. Jaýǵa jappaǵan er adamdy áıelі artyǵyraq súıýі kerek. Sonda ol er adamnyń tabıǵatynan alystamaıdy. Súıý kerekpіn, súıemіn de", — dedі ol. 

Eske salaıyq, Tamara Asar alǵash ret joldasynyń dánekerleýshі ekenіn aıtqan bolatyn.