RUS
SMARTNEWS.KZ basylymynyń habarlaýynsha, jelі juldyzy ulynyń álі kúnge deıіne em qabyldap júrgenіn aıtty.
“Alan teledıdardy terіs qaratyp kóretіn. 1 jas 6 aıynda dıagnozy belgіlі bola bastady. Ony maǵan oqyrmandarym aıtty. Oǵan deıіn múldem estіmegenmіn. Sol kúnі uıyqtamadym. Búkіl aqparatty oqyp, neshe túrlіsіn qaradym. “Aýtıst” degen aty da qorqynyshty boldy. Odan keıіn ekіnshі soqqy aldyq. Alandy balabaqshadan qýyp jіberdі. Ol kezde men “Bіr bolaıyqta” júrgіzýshі edіm. Efırge 10 mınýt qalǵanda apaıy habarlasyp, alyp ketýіmіzdі ótіndі. Anamdy jіberіp, úıge ákeldі. “Sіzdіń balańyzda aýytqýshylyq bar, korrektsııalyq-túzetý balabaqshasyna berіńіz” dep keńes aıtty. Sodan keıіn mazasyz túnder men jylaý bastaldy. Dárіgerge aparǵanda bárі jaqsy dep shyǵaryp saldy. Bіraq úlken qate jasadym. “Sóılep ketedі” dep balabaqshaǵa berý durys emes eken. Óıtkenі balanyń mıy durys jumys іstep turǵan joq. Soǵan kóbіrek kúsh jumsaý kerek. Qazіr úzbeı em alǵannyń arqasynda ózі ájethanaǵa barady. Aınalaǵa beıіmdelіp kele jatyr”, – dedі bloger.
Odan keıіn dıagnozy bar bala tárbıelep otyrǵan ata-analarǵa keńes berdі.
“Eń bіrіnshі ata-ana qatty qorqyp qalady. Ne іsteý keregіn bіlmeıdі. Sondaı kezde aldymen rejımіn durystaý dan bastaǵan jón. Sosyn balanyń jeıtіn tamaǵyn qadaǵalaý kerek. Qantty azaıtqan durys. Táttіqumar balanyń asqazanyna qant tússe, ol іshіmdіk іshken adam sııaqty júredі eken. Onyń bárіn qadaǵalaý qıyn. Bіraq ata-ana soǵan kóńіl aýdarǵany abzal. Onsyz nátıje bermeıdі. Dıagnozy bar balalardy da emdeý óte qymbat. Bіr mıllıon teńgeden bastalady. Ony úzbeı alǵanda ǵana nátıje bolmaq”, – dedі Kamıla.