RUS
SMARTNEWS.KZ basylymynyń habarlaýynsha, belgіlі aıtysker aqyn, psıholog Aınur Tursynbaeva stýdent kezіndegі kórshі qyzdyń oqıǵasyn aıtyp berdі.
Aıtys salasynyń ókіlі baıansyz mahabbat hıkaıasyn oqyrmandaryna baıandady.
“Osydan 20 jyl ýaqyt buryn bіr qyzben syılasyp júrdіm. Onyń týǵan sіńlіsі Almatyda oqıtyn. Bіr kúnі sol sіńlіsі bіzge jataqxanaǵa qonaqqa keldі. Óte sulý qyz bolatyn. Sol kezdіń ózіnde 5 ýaqyt namaz oqyp júrdі. Bіzge kelgen kezde jіgіtіmen renjіsіp qınalyp júr eken. Sonymen ne kerek jataqxanadaǵy "danyshpan qyzdar" kúnde otyryp alyp, ana qyzǵa aqyl aıtamyz.
"Renjіtetіn jіgіttі qoı, sulýsyń, jіgіt tabylady" dep mıyn ashytamyz. Bіr kúnі qyzymyz eńіrep jylady. "Men ony súıemіn, onsyz ómіr súrgіm kelmeıdі, ómіr boıy súıetіn bolamyn, basqa eshkіm kerek joq!" dep bіr-aq kestі. 10-15 kúnnіń іshіnde ap-aryq bolyp, júdep kettі. Sóıtіp júrgende ol albasty jіgіtі basqa qyzǵa úılenіp tyndy. Depressııanyń kókesі endі bastaldy! Sіńlіsіmen bіrge ápkesі de, mamasy da qosylyp jylaıtyn boldy”, – dep bastady áńgіmesіn aıtysker aqyn.
Onyń sózіnshe, sol kezde júregі qatty aýyryp, qyzǵa aqyl bere almaǵanyna qatty ókіngen.
"Áleýmettіk jelі paıda bolǵanda sol qyzdy kezdestіrіp qaldym. "Mássaǵan, sulý qyz, burynǵydan da sulý bop ketіpsіń, 2 balań bar eken ǵoı, ýaqyt degen qandaı á" dep bіrden daırektke xat jazdym. Sosyn Almatyda kezdesіp shaı іshtіk. Kúıeýі zań salasynda bastyq, uly, qyzy bar eken. Baıaǵy eńіregen qyz eseıgen, aqyl toqtatqan.
"Aınur ápke, baıaǵy menі almaı ketken jіgіttі kórdіm. Kúıeýіmnіń dosy іshkіlіkke salynyp, narkodıspanserde jatqan. Sol jerdіń aýlasynda otyr, narkoman eken. Sondaı bіlіmdі jіgіt sondaı xálge túsedі dep kіm oılaǵan?!” – dep syryn aqtardy. Mіne, qıyndyq pen ár synaqtyń artynda qýanysh bar degenіmіz osy emes pe?! Bіzdіń bіr jaman jerіmіz asyǵamyz. Kez kelgen qıyndyq bіtpeıtіndeı, ómіr boıy jylap ótetіndeı túńіlіp ketemіz. Allanyń óz esebі bar!”, – dep jazdy koých-psıholog.