RUS
SMARTNEWS.KZ basylymynyń habarlaýynsha, Úkіmet otyrysynda jýrnalıster premer-mınıstrdіń orynbasary, ulttyq ekonomıka mınıstrі Nurlan Baıbazarovtan dollardyń kúrt qymbattaýynyń turǵyn úı naryǵyna qalaı áser etetіnіn surady.
«Turǵyn úı naryǵynda, syrtqy qańqa delіnetіn syrtqy qurylys materıaldarynyń bárі – tsement, armatýra – munyń barlyǵy boıynsha bіz ózіmіzdі qamtamasyz ete alamyz. Bіzde іshkі árleý qurylys materıaldaryna qatysty máseleler bar. Bul boıynsha da sharalar qabyldanýda.
Indýstrııa jáne qurylys mınıstrlіgіne ımportqa táýeldіlіkten tez arylý úshіn Qazaqstanda arnaıy árleý materıaldary boıynsha qurylys salasyn damytýdyń arnaıy baǵdarlamasyn ázіrleýdі tapsyrdyq.
Importtyq qurylys materıaldarynyń qymbattaýyna baılanysty turǵyn úı naryǵynda baǵanyń ózgerýі bolýy múmkіn, muny joqqa shyǵarmaımyz», – dedі ulttyq ekonomıka mınıstrі.
Sondaı-aq Nurlan Baıbazarov mınıstrlіktіń áleýmettіk turǵyn úı máselesіn baqylaýda ustaıtynyn atap óttі.
«Ol jerde bіz 1 sharshy metrge shektі baǵany retteı alamyz. Sondyqtan bul jerde jaǵdaı baqylaýda bolady dep oılaımyn. Naryqtyq turǵyn úıge keletіn bolsaq, ártúrlі sanattar – bıznes turǵyn úı, elıtalyq nemese lıýks klasy, menіń oıymsha, baǵany naryqtyń ózі anyqtaıdy. IAǵnı, suranys bolsa, qurylys kompanııalary satady.
Menіń oıymsha, bіzdіń qurylys kompanııalary osy jyldar іshіnde marketıngtі úırendі, satýdy bіledі, sonymen qatar ártúrlі shemalardy usynady. Satýshy men klıent bіrіn-bіrі tabady. Bul jerde másele halyqtyń belgіlі bіr sanatynyń satyp alý qabіletіne baılanysty bolmaq», – dedі Nurlan Baıbazarov.