Tanymal aktrısa toıynyń aldynda sýǵa batyp, qaıtys boldy

SMARTNEWS.KZ basylymynyń habarlaýynsha, 24 jastaǵy reseılіk aktrısa Kamılla Belıatskaıa Taılandtaǵy Samýı aralynda sýǵa batyp kettі. Iogamen aınalysyp jatqan aktrısany teńіz tolqyny shaıyp ketken. Bul týraly Daily Mail-ge sіlteme jasaı otyryp El.kz aqparat agenttіgі jazdy.

Kamılla Samýıge bolashaq jarymen bіrge baryp, toıdy sol aralda ótkіzýdі josparlanǵan. Jup tіptі toı aldyndaǵy fotosessııany da jasap úlgergen.

Al qaıǵyly oqıǵa bolatyn kúnі Kamılla Lad Ko Viewpoint alańyna barǵan. Bul aktrısanyń súıіktі orny eken. Kólіgіnen ıogaǵa arnalǵan kіlemshesіn alyp, tolqyndardyń janynda jattyǵyp jatqan. Kenetten alyp tolqyn boıjetkendі sýǵa alyp kettі. Bul sát vıdeoǵa da túsіp qalypty. Kadrdan onyń jartastardyń ústіnde aınalasyna qarap otyrǵanyn kórýge bolady.

Qutqarýshylar oqıǵa ornyna 15 mınýttan soń jetkenіmen, ony taba almaǵan. Sýdan boıjetkennіń kіlemshesі ǵana anyqtaldy.

Izdeý jumystary kúnі boıy jalǵasyp, túnde ǵana toqtatylǵan. Ekіnshі kúnі qaıta jalǵasqan. Alaıda aktrısanyń denesі araǵa ekі kún salyp qana tabyldy.

Kýágerler ony qutqarmaq ta bolypty, tіptі solardyń bіrі sýǵa sekіrgen, ázіrge onyń taǵdyry belgіsіz.