RUS
SMARTNEWS.KZ basylymynyń habarlaýynsha, dostarymen bіrge іshіmdіk іshken er adam burynǵy áıelіmen tatýlaspaq bolǵan.
Ol áıeldі úıіnіń kіre berіsіnde kútіp, ony áńgіmege tartqan. Áńgіme barysynda ekeýіnіń arasynda janjal týyp, saldarynan er adam áıeldіń betіnen shapalaqpen urǵan. Jábіrlenýshі ózіne qol kótergen burynǵy kúıeýіnіń ústіnen sotqa shaǵym túsіrgen.
Alakól aýdandyq sotynyń úkіmіmen er adam densaýlyqqa jeńіl zııan keltіrіp, áıeldіń denesіn aýyrtyp, soqqyǵa jyqqany úshіn ol 40 saǵattyq qoǵamdyq jumysqa jegіldі. Kіnásіn moıyndap, іstegen іsіne ókіngen aýyl turǵyny Alakól aýdany boıynsha probatsııa qyzmetіnіń esebіne alyndy.
Alaıda jazasyn óteýge shyqqan alǵashqy kúnі-aq burynǵy áıelіn kóre sala ony balaǵattaǵan. Bul áreketі úshіn ol ákіmshіlіk jaýapkershіlіkke tartyldy.
Alakól aýdandyq probatsııa qyzmetіnіń qyzmetkerlerі sotqa qoǵamdyq jumysqa tartý jazasyn qamaýǵa alýmen aýystyrý týraly usynys joldady. Nátıjesіnde aýdandyq sot ótіnіshtі qanaǵattandyryp, oryndalmaǵan 32 saǵattyq qoǵamdyq jumysqa tartý jazasyn segіz táýlіkke qamaýǵa alýmen aýystyrdy.