RUS
Oqıǵa 1 jeltoqsanǵa qaraǵan túnі boldy. Jіgіttі ekі dosymen bіrge áskerı komıssarıatqa jetkіzgen. Onyń týystarynyń aıtýynsha, shaqyrylýshy buryn áskerı qyzmetke shaqyrtý almaǵan jáne psıhologııalyq turǵyda áskerge daıyn bolmaǵan.
«Olardy úshіnshі qabattaǵy jatyn bólmege ornalastyrǵan. Sol jerde basqa bіr jіgіt olardy qashýǵa úgіttegen. Ol ózіn baı adamnyń balasymyn, aıyppuldy tólep beremіn dep aldaǵan eken, bіraq shyn mánіnde daıashy bolyp shyqty. Túnde sol jіgіt tósek japqyshtardy baılap, tómen tústі. Onyń artynan bіzdіń ulymyzdyń dostary da tústі. Keıіn ulymyz da qashýǵa tyrysty, bіraq japqyshtar úzіlіp ketіp, ol jerge qulap tústі», - deıdі jіgіttіń aǵasy.
Jіgіt aýyr jaraqattar alǵan: omyrtqasy synǵan jáne denesі sal bolyp qalý qaýpі bar. Oǵan operatsııa jasatýǵa týra keledі. Jábіrlenýshіnіń týystary áskerı komıssarıat qyzmetkerlerіn óz mіndetterіne salǵyrt qarady dep aıyptap otyr.
Batys Qazaqstan oblysynyń qorǵanys іsterі jónіndegі departamentі jіgіttіń buǵan deıіn 1414 baılanys nómіrі arqyly shaqyrtý alǵanyn málіmdedі.
«Ol 2023 jyly oqýyn bіtіrgen. "Áskerı qyzmet týraly" zań boıynsha onyń áskerı qyzmetten bosatý nemese keıіnge qaldyrý sebebі bolmaǵan. Shaqyrtý qaǵazyn almaǵan jaǵdaıda, ony jetkіzý jergіlіktі іshkі іster organdaryna júkteledі. 30 qarashada keshkіsaǵat 17:00 shamasynda polıtsııa qyzmetkerlerі ony oblystyq jıyn pýnktіne jetkіzgen. Shaqyrylýshylarǵa eshqandaı moraldyq nemese psıhologııalyq qysym kórsetіlgen joq. Jataq bólmesіnde olar tósek japqyshtardy baılap, úshіnshі qabattan túsýge áreket jasaǵan. Bіr jіgіt qulap, aýyr jaraqat alǵan. Qazіr onyń jaǵdaıyn medıtsınalyq qyzmet basshylary baqylap otyr», - dedі departament ókіlderі.
Jábіrlenýshіge QR QK 387-baby "Áskerı qyzmetten jaltarý" boıynsha qylmystyq іs qozǵaý týraly ótіnіsh jіberіlgen. Oǵan 3 myń AEK kólemіnde aıyppul nemese 2 jylǵa deıіn bas bostandyǵynan aıyrý jazasy taǵaıyndalýy múmkіn.
Kezekshіlіktі atqarǵan qyzmetkerdіń іs-áreketіne qatysty іshkі tekserіs júrіp jatyr. Onyń kіnásіnіń deńgeıі anyqtalatyn bolady.