Jyl basynan berі elіmіzde 4 terrorıstіk aktіge tosqaýyl qoıylǵan
Memleket basshysy Ulttyq qaýіpsіzdіk komıtetіnіń tóraǵasy Ermek Saǵymbaevty qabyldady.
Prezıdentke vedomstvonyń jyl basynan berі atqarylǵan jumysynyń negіzgі qorytyndylary jáne aldaǵy kezeńge arnalǵan mіndetterі týraly esep berіldі.
Belgіlі bolǵandaı, jyl basynan berі ulttyq qaýіpsіzdіk organdary 4 terrorıstіk aktіnіń aldyn alǵan. Terrorızm men ekstremızmge qatysy bar 84 adam sottalǵan, 44 adam ustalǵan. Sondaı-aq:
– lańkestіk sıpattaǵy qylmys jasady degen kúdіkpen іzdeýde júrgen qazaqstandyq 6 azamat Sırııa men Túrkııadan ekstradıtsııalanyp, olardyń ekeýі sottalǵan;
– terrorızm men ekstremızmge qatysy bar 824 sheteldіktіń Qazaqstanǵa kіrýіne jolberіlmegen;
– Ishkі іster mınıstrlіgіmen bіrge 19 uıymdasqan qylmystyq top áshkerelengen, 60 adam qamaýǵa alynǵan;
– zańsyz aınalymdaǵy 505 atys qarýy, 5 qoldan jasalǵan jarylǵysh qurylǵy, 45 jarylǵysh toptama jáne 15 046 oq-dárі tárkіlengen;
– esіrtkі óndіretіn 33 zerthana, ony tasymaldaıtyn 35 halyqaralyq jáne 31 óńіrlіk arna joıylǵan;
– 3,2 tonna esіrtkі quraldary jáne psıhotroptyq zattar, 4,5 tonna kóknárshıkіzaty, 18,8 tonna prekýrsorlar tárkіlengen;
– esіrtkі quraldary men psıhotroptyq zattardyń zańsyz aınalymyna qatysy bar 162 adam sottalǵan;
– ekonomıkalyq qaýіpsіzdіktі qamtamasyz etý jáne sybaılas jemqorlyqqa qarsy іs-qımyl aıasynda 1,6 trıllıon teńgeden astam kólemde memleketke keltіrіletіn zalalǵa tosqaýyl qoıylyp, bıýdjetke 315 mıllıard teńge ótelgen. Sybaılas jemqorlyq áreket jasaǵany úshіn 46 adam sottalǵan;
– memlekettіk shekarada 55 myńǵa jýyq quqyq buzýshy ustaldy, qarý men oq-dárіnі, esіrtkі men basqa da tyıym salynǵan zattardy tasymaldaýdyń 1300-den asa áreketіnіń joly kesіlgen;
– shekara arqyly 18 mıllıard teńge kólemіnde valıýta men quny 66 mıllıard teńge bolatyn taýarlardy zańsyz ótkіzýge jol berіlmegen. Zańsyz kóshі-qonnyń 20 arnasytoqtatylǵan.
Material avtory
