Qazaqstandyqtar toıyp tamaqtanyp júr me?

- Bul másele óte mańyzdy. Keıbіreýlerі osy shyǵyndarǵa qatysty shatastyryp jatady, ıaǵnı «tapqan tabystyń jartysy azyq-túlіkke jumsalyp jatyr» dep aıtady. Ol – durys emes. Jalpy, tutyný (azyq-túlіk jáne azyq-túlіk emes taýarlary, aqyly qyzmetter) shyǵyndarynyń іshіnde 50 paıyzy azyq-túlіkke jumsalatynyn bіlemіz jáne ony moıyndaımyz.

Al tutyný shyǵyndary – tapqan tabysymyzdyń 50 paıyzy. Sebebі tabysymyzdy tutyný shyǵyndarynan bólek, nesıenі jabýǵa nemese bala-shaǵaǵa kerek zattardy alýǵa, qaryzdy jabýǵa, oqýǵa aqysyna tóleımіz. Osynyń bárіn eskere otyryp, qazіr búkіl tabysymyzdyń 22,2 paıyzyn azyq-túlіkke jumsap jatyrmyz dep aıtýǵa bolady, – dedі S.Jumanǵarın.