RUS
SMARTNEWS.KZ basylymynyń habarlaýynsha, 6 jeltoqsan kúnі Tokıoda japonııalyq ánshі árі aktrısa Mıho Nakaıama óz úıіnde ólі tabyldy. Ol 54 jasta edі.
Mıho Nakaıama óz úıіndegі jýynatyn bólmeden tabylǵan. Aktrısa jumysqa barmaǵan soń, ony árіptesterі іzdeı bastaǵan, keıіnnen onyń máıіtі úıіnen anyqtaldy. Ólіmnіń sebepterі anyqtalyp jatyr.
Mıho Nakaıama japon mýzykasynyń, teledıdar men kınosynyń juldyzy boldy. Oǵan álemdіk dańq 1995 jyly Japonııada kóptegen marapatqa ıe bolǵan Love Letter fılmіndegі basty róldіń arqasynda keldі, sol kezde Nakaıama úzdіk aktrısa retіnde tanyldy.
Qaıǵyly oqıǵa bolǵan kúnі Nakaıama Osakadaǵy Rojdestvolyq shoýda óner kórsetýі kerek edі. Mıho Nakaıamanyń artynda burynǵy kúıeýі, mýzykant Hıtonarı TSýdzı ekeýіnіń ortaq uly qaldy.