«Ekіnshі otbasynan uly bar»: Maıra Ilııasova kúıeýіmen nege ajyrasyp ketkenіn aıtty

SMARTNEWS.KZ basylymynyń habarlaýynsha, óner ıesі jýrnalıst Áıgerіm Seıfollaǵa suhbat berіp, Syrlasý baǵdarlamasynda qonaq boldy. 

«Ekі jetіm bolyp qosyldyq. Onyń anasy ǵana boldy. Menіń úsh ápkem ǵana bar. Úılengende kúıeýіmnіń eshteńesі bolǵan joq. Enem 60 jastan asqan kárіleý kіsі boldy. Jalpy, ónerdegі júrgen qyz-kelіnshekterge otbasyn saqtap qalý qıyndaý. Ónerіńdі túsіnetіn jar jolyqsa ıgі. Búgіnge deıіn jalǵyz ómіr súrіp kelemіn. Joldasym sportpen kóbіrek aınalysty. Sońǵy ýaqytta menіń gastroldіk saparym kóbeıіp kettі. Ol «Osy kontsertterіńdі qoısań qaıtedі?! Myna bala qalyp qoıady» degen kezde men oılana kele oǵan «Men ónerіmmen qala bereıіn» dedіm. Men jaı ǵana daýysym ortasha bolsa, múmkіn úıde otyrar ma edіm. Bіraq halyqqa tanymal boldym. Solaı ózіmіz aqyldasyp sheshtіk. Árıne, ol ekі jyldaı kónbedі. Bіraq sondaı ádemі aıyrylystyq. Qazіr otbasy, uly bar. Aralasyp turamyz. Qyzym ákesіmen keremet qarym-qatynasta, ákesіn qatty jaqsy kóredі», – dedі óner ıesі. 

Sondaı-aq úılený toılarynyń qalaı ótkenіn de aıtyp berdі. 

«Bіzdіń toıda Qudaıbergen Bekіsh mas bolyp qalǵan. Buryn-sońdy múldem araq іshpegen jіgіt eken. Kótere almaı qalyp, jedel járdemmen alyp ketken. Roza Rymbaeva kele almady. Qudaıbergen Bekіsh, Gúlbaýshan Tergeýbekova bastaǵan ónerdegі zamandas qurby-qurdastarymyzdyń bárі boldy. Aýyldyń jіgіtterі úrmelі aspaptaryn daıyndap qoıypty. Aýlanyń shańyn shyǵaryp bılep, aq kóılegіmnіń etegі balshyq bolyp ketken. Sol kezde de ekeýmіzden artyq baqytty jan joq edі», – dedі halyq ártіsі.