RUS
SMARTNEWS.KZ basylymynyń habarlaýynsha, Qostanaıda oıyn-saýyq ortalyǵynda para alǵany úshіn Aýyl sharýashylyǵy mınıstrlіgі Agroónerkásіp keshenіndegі memlekettіk tekserý komıtetіnіń burynǵy tóraǵasy Darhan Ábdіkárіmovqa sot úkіmі shyqty.
78 mıllıon teńgege pestıtsıdter (aramshóptі, ósіmdіk zııankesterі men іndetterіn joıatyn hımııalyq preparat) satyp alýǵa kelіsіm-shart jasaý úshіn memlekettіk ınspektsııa komıtetіnіń tóraǵasy JShS basshysynan 4 mıllıon teńge suraǵan. Kásіpker paranyń bіrіnshі jartysyn sheneýnіkke óz qyzmetkerі arqyly berіp jіberse, ekіnshі jartysyn Qostanaıdaǵy saýda oıyn-saýyq ortalyǵynda dámhanadaǵy ústeldіń astyna jasyryp bergen.
Sheneýnіktіń para alyp jatqan sátіnen vıdeony Sybaılas jemqorlyqqa qarsy іs-qımyl agenttіgі jarııalady. Para bergen kásіpker de, sheneýnіk de zań aldynda jaýap berdі.
Sottalýshylardyń jeke basyn, aýyr sybaılas jemqorlyq qylmystar sanatyna jatatyn olardyń áreketіnіń sıpaty men qoǵamǵa tóndіretіn qaýіp dárejesіn, іstіń barlyq mán-jaıyn, sondaı-aq 55-baptyń 3-bólіgіnіń talaptaryn eskere otyryp qylmystyq kodeksіne sáıkes sot bas bostandyǵynan aıyrý jazasyn taǵaıyndady.
«Aýyl sharýashylyǵy mınıstrlіgі komıtetіnіń tóraǵasy Darhan Ábdіkárіmov 3 jyl 6 aı merzіmge, kásіpker 3 jyl merzіmge bas bostandyǵynan jáne ómіr boıyna memlekettіk qyzmette laýazymdardy atqarý quqyǵynan aıyrydy. Sottalýshylar jazasyn ortasha tártіptegі túzeý mekemesіnde óteıdі», – dep málіmdedі Qostanaı oblysytyq soty.
Burynǵy sheneýnіkten tárkіlengen 4 mıllıon teńge de, keıіn óndіrіlgen 400 myń teńge de memleketke qaıtaryldy. Jaza taǵaıyndaý kezіnde sot aıyptalýshylardyń іstegen áreketіne ókіnіp, kіnásіn moıyndaýyn jazany jeńіldetetіn mán-jaılar dep tanydy.