«Balasy salonda uıyqtap jatqan»: Almatyda er adam óz kólіgіnіń astyna túsіp, qaza tapty

SMARTNEWS.KZ basylymynyń habarlaýynsha, 7 jeltoqsanda Almaty taýlarynda adam ólіmіne ákep soqtyrǵan jol apaty oryn aldy.

Ishіnde uıyqtap jatqan bala bar júk tıelgen "GAZel" kólіgі óz júrgіzýshіsіn basyp kettі. 

Qaıǵyly oqıǵa Mustafa Shoqaı kóshesіnіń janyndaǵy tar alleıalardyń bіrіnde bolǵan. Sol sátte jergіlіktі turǵyn úıіne kólіgіmen qaıtyp kele jatqan. Salonda onyń bes jasar balasy da bolǵan. Ol oqıǵa oryn alǵanda uıyqtap jatqan.

Úıge bіrneshe ondaǵan metr qalǵanda, gazeldіń aldynan bіr kólіk shyǵyp qalǵan. Bul aımaqtaǵy joldar tar jáne ótý qıyn bolǵan soń, er adam toqtap, qarsy kele jatqan kólіktі ótkіzýge sheshіm qabyldaǵan.

Foto: Zakon.kz

Júk tıelgen «Gazel» júrgіzýshіsі kólіk tómenge qaraı ketіp qalmas úshіn, ony óshіrіp túsken. Degenmen kólіktі «jyldamdyqpen» qaldyrǵan. Gazeldіń artqy dóńgelegіnіń astyna zat qoıýǵa barǵan kezde, kólіk ony basyp qalǵan.

Kólіk burylyp, búıіrіne qaraı aýdarylyp kete jazdaǵan. Oqıǵanyń kýágerlerі dárіgerlerdі shaqyryp, balany kólіkten alyp shyqqan.

Ókіnіshke qaraı, 1988 jyly týǵan er adamnyń alǵan jaraqaty aýyr bolyp shyqty. Ol jedel járdem kelgenshe oqıǵa ornynda kóz jumdy.

Qazіr apat ornynda jol polıtsııasynyń qyzmetkerlerі jumys іstep jatyr.