Endі lombardqa bereshegіńіz qomaqty nesıe men ıpoteka rásіmdeýіńіzge kedergі bolýy múmkіn
Endі ıpoteka alǵysy keletіn adamnyń barlyq qarjy derekterі aqtarylmaq.
SMARTNEWS.KZ basylymynyń habarlaýynsha, Qazaqstanda lombardtan alynǵan qaryz nesıe nemese ıpoteka rásіmdeýge kedergі bolýy múmkіn. Qarjy naryǵyn retteý agenttіgі bankter qaryz alýshynyń tólem qabіletіn anyqtaý úshіn barlyq qarjylyq derekterіn tekseretіnіn málіmdedі. Atalǵan málіmdemenі Informbıýro jańalyqtar qyzmetі jetkіzdі.
Alıment, aıyppul, mıkrokredıtter jáne lombardtan alǵan qaryz bolsa suranys maquldanbaı qalady. Sol sebeptі kepіldіkke baǵaly zat qabyldap, aqsha beretіn lombard kredıttіk bıýrolarǵa qazaqstandyqtardyń bereshegі týraly aqparat berýge mіndettі.
«Kepіlge salynǵan múlіktі satý kezіnde lombardtaǵy zattardy kepіlge berý týraly shart buzylady. Bul rette qaryz alýshynyń mіndettemelerі joıylady. Qaryzdyń toqtatylǵanyn kepіldіktі satý aktіsі nemese ony lombardtyń menshіgіne aınaldyrý týraly sheshіm jáne qaryzdy óteý týraly anyqtama sııaqty qujattar rastaıdy», – dedі Qarjy naryǵyn retteý jáne damytý agenttіgі departament basqarmasynyń bastyǵy Baǵdat Záýіrbekov.
Material avtory
