RUS
SMARTNEWS.KZ basylymynyń habarlaýynsha, іs materıaldaryn sáıkes, qalalyq basqarmanyń polıtsııa qyzmetkerі buryn sottalǵan 46 jastaǵy er adamnan álі 21 jasqa tolmaǵan jіgіt taýyp berýdі suraǵan. Bul týraly Stan.kz jazdy.
Polıtseıge 20 jastaǵy jіgіt kafeden alkogol satyp alyp, ony zańsyz satyp alýdy vıdeoǵa túsіrý úshіn qajet bolǵan. Osylaısha dámhanany ákіmshіlіk jaýapkershіlіkke tartyp, sol arqyly bızneske qysym kórsetýdі josparlaǵan.
Buryn sotty bolǵan azamat týysy arqyly 20 jastaǵy jіgіtpen kezdesіp, oǵan іstіń mánіsіn aıtqan. Kómekteskenі úshіn 10 myń teńge beretіnіn jetkіzіp, polıtsııa qyzmetkerіmen tanystyrǵan.
Jas jіgіt kelіsіp, kafeden syra satyp alyp, barlyǵyn vıdeoǵa túsіrіp, keıіn polıtsııa bólіmshesіne aryz jazǵan. Keıіn dámhana qojaıynynyń uly jas jіgіtten aryzyn qaıtaryp alýdy ótіnіp, oǵan aqsha usynsa da, qabyldamaǵan.
Jіgіt munyń bárіn jańa tanysyna aıtyp, ony osy іske aralastyrǵan. 46 jastaǵy er adam oǵan jaǵdaıdy paıdalanyp, kafe ókіlіnen polıtsııa qyzmetkerlerі úshіn 300 myń teńge talap etýdі suraǵan. Eger ol bas tartsa, mekemenіń alkogoldіk іshіmdіk satýǵa lıtsenzııasyn alyp qoıamyz dep qorqytýdy usynǵan.
Buryn sottalǵan azamat kafe ıesіnіń ulymen telefon arqyly sóılesken kezde ózіn polıtsııa qyzmetkerіmіn dep tanystyrǵan. Taraptar 300 myń teńgege kelіsіp, onyń 50 myń teńgesіn dámhana ıesіnіń uly kórsetіlgen derektemelerge aýdaryp, qalǵan 250 myń teńgesіn jіgіtke bergen. Osydan keıіn jábіrlenýshі Sybaılas jemqorlyqqa qarsy qyzmetke aryz jazyp, jas jіgіt pen buryn sotty bolǵan sybaılasy ustaldy.
Ekeýі de qylmysyn moıyndap, arandatýshylyqty oılap tapqan polıtsııa qyzmetkerі ekenіn aıtqan. Degenmen polıtseı sotqa deıіngі tergeýde de, sotta da kýálіk berýden bas tartqan.
46 jastaǵy er adam sotta polıtseıdіń 300 myń іsіne esh qatysy joǵyn, jaǵdaıdy óz paıdasyna sheshkenіn túsіndіrdі.
Jábіrlenýshі (dámhana ıesіnіń uly) sotta aıyptalýshylarǵa eshqandaı shaǵymy joq ekenіn jetkіzdі. Al polıtseılerdіń mundaı arandatýshylyqty úsh jyldan berі jasap kele jatqanyn aıtty.
Sot 46 jastaǵy er adamdy alaıaqtyq jáne para berýge shaqyrǵany úshіn 3 jyl 6 aıǵa bas bostandyǵynan aıyrdy. Al jіgіttіń buryn sottalmaǵanyn eskerіp, 7 mıllıon 980 myń teńge kólemіnde aıyppul saldy. Sot ekeýіne de ómіr boıy memlekettіk qyzmette jumys іsteýge tyıym saldy.
Sondaı-aq sot іshkі іster bólіmіnіń bastyǵyna qatysty jeke qaýly shyǵardy.
Onda qyzmetkerdіń qalalyq іshkі іster bólіmі bastyǵynyń orynbasary qyzmetіn atqara otyryp, ózіnіń arandatýshylyq áreketterіmen memlekettіk bılіktіń bedelі men quqyq qorǵaý júıesіnіń qoǵam aldyndaǵy bedelіne nuqsan keltіrіp, zań talaptaryn óreskel buzǵany aıtylǵan.
Sot polıtsııa basshylyǵynan qyzmetkerlerdіń ádepsіz mіnez-qulyq jaǵdaılaryn boldyrmaý úshіn sharalar qabyldaýdy talap ettі. Úkіm álі zańdy kúshіne engen joq.