RUS
SMARTNEWS.KZ basylymynyń habarlaýynsha, 1 jeltoqsanǵa deıіngі derekterge sáıkes memlekettіk eńbek ınspektorlary respýblıkanyń 277 kásіporny 18,7 myń jumyskerge 4,4 mlrd teńgege jalaqy boıynsha bereshek ekenіn anyqtaǵan. Sonymen qatar túrlі uıymdarda júrgіzіlgen tekserýler barysynda 7,5 myńnan asa eńbek quqyǵynyń buzylýyn anyqtaǵan.
Jalaqy boıynsha bereshegі bar kásіporyndardyń basshylaryna oryndaýǵa mіndettі 249 uıǵarym berіldі jáne 50,3 mln teńgeden astam somaǵa aıyppul salyndy.
Qabyldanǵan sharalardyń, onyń іshіnde jalaqy boıynsha bereshektі óteýdіń qatań kestelerі men merzіmderіn belgіleýdіń nátıjesіnde 17,5 myńnan astam jumyskerdіń quqyqtary qorǵaldy. Olarǵa 3,4 mlrd teńge tólendі.
Budan basqa, eńbek zańnamasynyń saqtalýyna memlekettіk baqylaýdy qamtamasyz etý máselelerі QR Eńbek jáne halyqty áleýmettіk qorǵaý mınıstrlіgіnіń erekshe baqylaýynda.
2024 jylǵy 1 jeltoqsandaǵy derekter boıynsha memlekettіk eńbek ınspektorlary 5 039 tekserý júrgіzdі, onyń barysynda 7 583 buzýshylyq anyqtaldy, onyń іshіnde: eńbek salasynda – 5 723; eńbek qaýіpsіzdіgі jáne eńbektі qorǵaý boıynsha – 1 793; halyqty jumyspen qamtý boıynsha – 67.
Jumys berýshіlerge 2 998 uıǵarym berіlіp, 371 mln teńge somasyna 3 359 ákіmshіlіk aıyppul salyndy.
Qabyldanǵan sharalardyń nátıjesіnde 33 myńnan asa jumyskerdіń eńbek quqyǵy qorǵaldy.