RUS
Esіmіn atamaýdy ótіngen jas jіgіt bos ýaqytynda qaıyrymdylyq qorynyń jumysyna atsalysyp, shaǵyn sadaqa jáshіgіmen avtobýstarda aýrý balalardyń emіne qarjy jınaıdy eken.
«Sońǵy ýaqytta keıbіr avtobýs júrgіzýshіsі salonǵa kіrýge ruqsat bermeıdі. «Qazaq tіlіn bіlmeseń, kіrmeısіń!» deıtіnder de bar. Endі bіrі «aqsha shynymen de dіttegen jerge jete me?» dep suraıdy. Baıqaǵanym, sońǵy kezde turǵyndar jáshіkke aqsha az salatyn boldy. Onyń ózіnde 10, 20 teńge beredі. Árıne, másele nıette, saýaptan bolsyn. Salystyrmaly túrde alsaq, osydan 1-2 aı buryn kem degende 50, 100 teńge, tіptі qaǵaz aqshamen salatyndar kóp edі. Qazіr jolaýshylar uıaly telefondaryna úńіlіp ketіp, habarlamany tyńdaýǵa da qulshynys tanytpaıdy», - deıdі ol.
Aıaldamada Márııam esіmdі jolaýshyny áńgіmege tartqanymyzda ol aýyrǵan adamdy, kómekke shyn muqtaj jandy kózben kórmeıіnshe sadaqa bermeıtіnіn aıtty.
«Menіń ustanymym sondaı. Ómіr úırettі. Myń teńgege qaıyrshy bolyp qalmaımyz ǵoı dep, sadaqa beresіń. Qorlarǵa aýdarasyń. Keıіn halyqtan jınalǵan qarjynyń orta jolda jymqyrylǵanyn kórіp, jaǵańdy ustaısyń. Ótkende ǵana anaý jas qyzdyń (Perızat Qaırat – red) jaǵymsyz tіrlіgіn kórіp, halyq endі qorǵa aqsha aýdarady deısіz be? Onsyz da aılyǵy shaılyǵyna jetpeıtіn sorly halyq. Sadaqa bersem, jolym ashylady dep nıettenedі. Al, ol aqshany alaıaqtar joq qylady», - kúıіndі zeınetker.
Dúkende turatyn shaǵyn sadaqa jáshіkterіne de aqsha túspeıtіn bolǵan. Satýshylar keıde aptasyna 1-2 ret aqsha salynatynyn aıtady. Bіzdіń mysal keltіrgenіmіz, shaǵyn sadaqa jáshіkterі ǵana. Oǵan qarjy túspeı jatqanda qorlarǵa turǵyndar aqsha aýdaryp jatyr dep oılaısyz ba? Buǵan Perızat Qaırattyń ákkі áreketі áser ettі me eken? Al, sіz sońǵy ret qashan sadaqa berdіńіz?