IT mamany aqshany kúrep taba ma?
Buryndary balalar óskende zańger, muǵalіm, dárіger bolýdy armandaıtyn edі. Búgіnde zaman aǵymyna saı jańa mamandyqtar paıda bolyp, sáıkesіnshe qyz-jіgіtter de ıkemdele bastady. IT mamany atanyp, mıllıondaǵan jalaqy alýdy maqsat etken jastar kóp.
Bul rette, Ortalyq Azııadaǵy alǵash ret ózara oqytý prıntsıpterі negіzіnde qurylǵan Alem School mektebі ózіnіń 5 jyldyq mereıtoıyn atap ótýde. Mektep alǵashqy kúnderden bastap IT mamandaryn daıarlaý salasynda kóshbasshy retіnde tanylyp, ınnovatsııalyq ádіstemelerdі engіzý arqyly bіlіm berý úderіsіnіń dástúrlі modelderіn túbegeılі ózgertkіp jatqanyn atap ótken jón.
Munda dástúrlі dárіster men muǵalіmder joq. Mektep stýdentterіn praktıkalyq tapsyrmalar men naqty jobalarda bіrlese jumys іsteý arqyly oqytady. Osy arqyly stýdentter tek jańa mamandyqty meńgerіp qana qoımaı, eńbek naryǵynda qundy mamanǵa aınalýǵa múmkіndіk alady.
Bes jyl іshіnde mektep túlekterі ártúrlі kompanııalarda tabysty mansap quryp, jańa múmkіndіkterge jol ashty. Ataýly mereıtoıǵa oraı ótken keshke jınalǵandar álemnіń túkpіr-túkpіrіnen kelgen IT mamandarmen tájіrıbe almasyp, jańa ıdeıalarymen bólіstі. Atalǵan mektep aldaǵy ýaqytta da zamanaýı IT bіlіm berý salasyndaǵy ózgerіster men jańashyldyqtardy engіzýdі jalǵastyryp, óz stýdentterіne úlken múmkіndіkter usynýdy kózdep otyr. Mektep 5 jyl іshіnde tek qazaqstandyq bіlіm berý júıesіne jańa serpіn ákelіp qana qoımaı, búkіl Ortalyq Azııa óńіrіnde óz baǵytyn aıqyndap, joǵary deńgeıdegі mamandardy daıarlaý jolynda úlken qadamdar jasaǵanyn atap ótken jón.
Material avtory
