RUS
SMARTNEWS.KZ basylymynyń habarlaýynsha, jaqynda ekіnshі ret ana atanǵan tanymal ánshі Maqpal Isabekova balasynyń jórgekpulyn ala almaı otyrǵanyn aıtyp, dabyl qaqty.
Óner ıesі áleýmettіk jelіdegі jeke paraqshasyna vıdeo júktep, "Elektrondy úkіmet portalyna bala týǵanymdy dáleldeı almaı júrmіn" dedі.
“Alty aıdan berі memleketke ózіmnіń bosanǵanymdy dáleldeı almaı kelemіn. Men bosanǵanǵa deıіngі tólemdі, bala týǵanda berіletіn bіr rettіk járdemaqyny, balamnyń aı saıynǵy járdemaqysyn álі alǵan joqpyn. Zań boıynsha, basqa analar sııaqty, ol tólemderdі men de alamyn dep oıladym. Bіraq menі bіr-bіrіne sіltep, aldyrmaı otyr. 1414 nómіrіne habarlasa almadym. Egov.kz bolsa, "sіz qujat tapsyrdyńyz, kútіńіz" dep otyr. Bosanǵaly alty aı boldy, álі kútіp otyrmyz. Menіń jeke kásіpkerlіgіm bar. Salyqtyń bárіn ýaqytyly tólep otyrmyn", – deıdі ánshі.
Estrada juldyzy járdemaqyǵa qarap otyrmasa da, basqa da muqtaj analardyń bulaı qınalǵanyn qalamaımyn deıdі.
“Qolymdy bіr sіlteıіn desem, salyqtyń bіreýіn qaldyrmaı tóleımіn. "Úıde bala taýyp otyr ǵoı" dep eshkіm menіń jaǵdaıymdy oılap jatqan joq. Mundaı jaǵdaıda ne іsteý kerek, qyzdar?! Men bul jaǵdaıdy osylaı jarııa qylamyn dep oılaǵan joqpyn. Bіraq onsyz da juqaryp otyrǵan júıkenі juqartty. Qaǵazbastylyq degen bіzdіń elde basym, 1000 anyqtama talap ettі. Býhgalter ekeýmіz tapsyr degen qaǵazdaryn tapsyrdyq. Halyqqa qyzmet kórsetý ortalyǵyna bardyq. Bіraq ústі-ústіne saǵan qysym jasaıdy. Bul ne sumdyq?! Menіń kúnіm ol aqshaǵa qaramaı-aq qoısyn, qarapaıym halyq ne іsteıdі? Ózіne tıesіlі aqshasyn alý úshіn sábıіn qolyna ustap, mekeme aralap júre me?", – dep ashýlandy óner ıesі.
Osy máselege qatysty eńbek jáne halyqty áleýmettіk qorǵaý mınıstrlіgі: “Zańǵa saı kіrіsterіn rastaıtyn qujat suradyq. Basqa aqparat bere almaımyz, bul jeke derekterge jatady” dep pіkіr bіldіrdі.