RUS
SMARTNEWS.KZ basylymynyń habarlaýynsha, 9 jeltoqsanda Talǵar qalasynyń shet jaǵynan marqum Sherzat Polattyń aǵasy Nurqanat Ǵaıypbaevtyń máıіtі tabyldy. Sherzattyń ákesі Qarjaýbaı Nurymov іnіsі kóz jumǵan jerdі vıdeoǵa túsіrіp, ony qalaı taýyp alǵanyn aıtyp berdі. Bul týraly Stan.kz jazdy.
Qarjaýbaı Nurymov іnіsіnіń máıіtіn ózі tapqan. Onyń oqıǵa ornynyń kórsetken vıdeosy jelіde tarady. Nurymovtyń sózіnshe, іnіsі kólіgіn otalǵan kúıі tastap ketіp, oqıǵa ornyna deıіn jaıaý barǵan.
"Bіr kіsіler kólіktі kórіp, osy jerde dep aıtqannan keıіn beıіttіń basyna keldіk. Kelgenіmіzde kólіktіń esіgі ashyq edі, іshіnde ekі telefon bar. Otalyp turǵan sııaqty, naqty esіmde emes. Osy jerden qardyń ústіndegі jalǵyz іzdіń artynan júrdіk. Jardan túsіp, tómen tas jolǵa qaraı júredі. Myna jerden adamnyń túsýі qıyn. Jardan túsіp, 500-700 metr tas jolǵa qaraı jaqyndaıdy. Izdіń artyna túsіp barǵanymyzda trassaǵa jete salǵan jerde baýyrym otyr, jan tapsyrǵan”, – deıdі Qarjaýbaı Nurymov.
Qarjaýbaı Nurymov іnіsіnіń ekі aıaǵy jerge tıіp, erkіn otyrǵanyn aıtty.
"Ekі jaǵy musylmandar men hrıstıandardyń beıіtі. Ekі taýdyń ortasymen júredі de, túnde jalǵyz ózі. Tas jolǵa jaqyndap qalǵan jerde betonnyń artynda ekі aıaǵy jerge tıіp, búktelіp otyrǵan kúıіnde tabyldy. Moınynda sym baılanǵan. Jaryqshamy bar sym butaqqa baılanǵan. Bіraq ol erkіn otyr. Moınynyń bіr jaǵynda ǵana іz baıqaldy. Tabylǵan jerdіń janynda ǵana kólіk ótetіn jol tur. Bіraq ol kólіgіn taý jaqqa esіgіn ashyp qaldyryp, osy jerge deıіn jaıaý kelgen. Menіń shyndyǵym osy”, – deıdі Qarjaýbaı Nurymov.
Eske salsaq, osyǵan deıіn Talǵardyń shetіnen Nurǵanat Ǵaıypbaevtyń denesі tabylǵany týraly jazǵan edіk. Polıtseılerdіń málіmetіnshe, 30 jastaǵy er adam asylyp, óz-ózіne qol jumsaǵan.