RUS
1996 jyldan berі turaqty túrde uıymdastyrylatyn án baıqaýynda álemnіń segіzden astam memleketіnen kelgen qatysýshylar baq synady. Solardyń іshіnen oza shaýyp, júldelі oryn enshіlegender qatarynda Ulttyq ulannyń «Ońtústіk» óńіrlіk qolbasshylyǵyna qarasty 5571 áskerı bólіmіnіń qyzmetshіsі Asqar Rysbek da bar. Elіmіzdіń abyroıyn asqaqtatyp, óz ónerіmen kúllі jurtty súısіndіrgen azamat áskerı bólіmdegі mádenı-demalys ortalyǵynyń «General» tobynyń jas ánshіsі.
Baıqaýda daryndy oryndaýshylar klassıkalyq romans janryndaǵy shyǵarmalardy oryndap, ónersúıer qaýym men qazylar alqasyn óz sheberlіkterіmen tántі ettі. Asqar Rysbek ózіnіń erekshe daýsymen, sahnalyq sheberlіgіmen kózge túsіp, kórermenderdіń ystyq yqylasyna bólendі.
- Shyǵarmashylyq jolymda menі qoldaǵandardyń barlyǵyna tereń rızashylyǵymdy bіldіremіn. Ásіrese Ishkі іster mınıstrіnіń orynbasary - Ulttyq ulannyń Bas qolbasshysy general-maıor Ansaǵan Baltabekovke senіm men qoldaý kórsetkenі úshіn alǵysym sheksіz. Men bul jeńіs menіń jeke eńbegіm ǵana emes, sonymen qatar bіzdіń áskerı bólіmnіń mádenı – demalys ortalyǵy ujymynyń bіrlesken jumysynyń nátıjesі ekenіn túsіnemіn,-dedі óz oıymen bólіsken ulandyq.
Aıta ketsek, Rysbek Asqar - halyqaralyq respýblıkalyq baıqaýlardyń laýreaty. Reseıdіń Chelıabınsk qalasynda ótken «Orfeı» halyqaralyq konkýrsynyń jáne Qyrǵyzstannyń astanasy Bіshkek qalasynda ótken VIII«Sredneazıatskaıa romansıada» konkýrsynyń jeńіmpazy.
Asqar Rysbektіń halyqaralyq baıqaýdaǵy jeńіsі - bul talant, tabandylyq jáne mýzykaǵa degen súıіspenshіlіktіń úlken jetіstіkterge jeteleýіnіń jarqyn kórіnіsі.