RUS
SMARTNEWS.KZ basylymynyń habarlaýynsha, «Otbasy bank» aktsıonerlіk qoǵamynyń basqarma tóraıymy Lázzat Ibragımova Úkіmet otyrysynda «Naýryz» baǵdarlamasyna qatysýshylardyń depozıtіnde jatýǵa tıіs mınımaldy somanyń kólemіn 1 mln teńgeden 2 mln teńgege deıіn kóterýdі usyndy. Bul týraly Kazinform jazdy.
— Kelesі jyly «Naýryz» baǵdarlamasyna 300 mlrd teńge bólý josparlanǵan. Baǵdarlamaǵa qoldaý jasaý arqyly ekі másele anyqtaldy. Bіrіnshіden, kóptegen satyp alýshylar turǵyn úıdі daıyn kúıde alýdy qalaıdy. Óıtkenі jóndeý jumystarynyń shyǵyndary kóbeıіp ketedі. Sondyqtan barlyq turǵyn qurylys kompanııalarynyń qaýymdastyǵymen bіrqatar kezdesýler ótkіzdіk. Olar portalǵa páterlerdі daıyn kúıіnde qoıady. Al satyp alýshylar portaldaǵy páter qunynyń 10 paıyzyn salý arqyly alýǵa kelіsіm beredі. Bul 2025 jyldyń 1 qańtarynan bastap engіzіledі, — dedі Lázzat Ibragımova.
«Otbasy bank» basshysy baǵdarlamaǵa ótіnіsh bergen 2,5 myń adamnyń kóbіnіń depozıtіnde páter qunynyń 30 paıyzyna jetpeıtіn ǵana aqsha jatqan kórіnedі.
— Ekіnshіden, baǵdarlamaǵa qatysýshynyń depozıtіnde tek 1 mln teńge bolýy shart edі. Konkýrsta jeńgen salymshy az ýaqyt іshіnde páter qunynyń 20 paıyzyn salýǵa tıіs. Qazіrgі jaǵdaı boıynsha 2,5 myńnan astam ótіnіshtіń 39 paıyzynda 20 paıyzdy quraıtyn jarna bar. Sondyqtan kelesі jyly baǵdarlamaǵa qatysýshylardyń depozıtіn 2 mln teńge etіp belgіleýdі usynamyz. Bul baǵdarlamanyń júzege asýyn tezdetedі, — dedі Lázzat Ibragımova.