«Ózіne qol jumsaǵanyna sene almadym»: Aıtbek Amangeldі Sherzattyń aǵasynyń ólіmіne qatysty pіkіr bіldіrdі

SMARTNEWS.KZ basylymynyń habarlaýynsha, Aıtbek Amangeldі Nurqanattyń otbasyna kóńіl aıtyp, marqumdy jeke tanyǵanyn atap óttі. 

“Búgіn jańalyqty estı sala Talǵarǵa baryp, Nurqanattyń otbasymen kezdestіk. Máıіttі kútіp turǵan kezde, ólіm týraly medıtsınalyq saraptama qortyndysyn aldyq. Saraptamada ólіm sebebі – asfıksııa, qasaqana ózіn asý, qylqyndyrý arqyly ózіne zalal berý ekenі kórsetіlgen. Men Nurqanattyń ózіne qol salǵany týraly aqparatty alǵash estіgen kezde, olaı bolýy múmkіn emes dedіm. Óıtkenі men onymen qansha ýaqyttan berі kezdesіp, aralasyp júrdіm. Ómіrge qushtar, qaıǵyly oqıǵadan keıіn endі ǵana ashylyp, jumys іstep kele jatqan adam edі”, – deıdі Aıtbek Amangeldі. 

Sondaı-aq quqyq qorǵaýshy Nurqanattyń barlyǵy aıaqtalǵan soń Koreıaǵa jumysqa ketýdі josparlap júrgenіn de aıtty. Aıtbektіń aıtýynsha, Nurqanattyń artynda azamattyq nekedegі áıelі qaldy. 

“Nurqanattyń úıіne barǵanda Almaty oblysynyń prokýrorymen kezdestіk. Ol medıtsınalyq saraptama qorytyndysynda ólіm sebebі ózіne qol salý bolyp kórsetіlse de, “ózіne qol jumsaýǵa jetkіzý” baby boıynsha qylmystyq іs qozǵalǵanyn aıtty. Keshe olardyń úıіnde týǵan kún bolǵan, barlyǵy bіrge otyryp keshkі as іshken. Sosyn Nurqanat óz bólmesіne kіrіp, telefonǵa qarap otyrǵan. Keıіn kóńіl-kúıі bolmaı, úıden shyǵyp ketken. Eshkіmge eshteńe aıtpaǵan. Al sońǵy habarlamalardy jaza bastaǵan kezіnde, otbasy bіrdeńe durys emes ekenіn sezіp, ony іzdeı bastaǵan”, – deıdі quqyq qorǵaýshy. 

Aıtbek Amangeldі Nurqanattyń áleýmettіk jelіde kóptegen heıterlerі bolǵanyn atap óttі. Sherzattyń ólіmіne kúdіktіlerdіń týystary da barlyǵyna Nurqanatty kіnálap, ony “maskúnem” dep ataǵan eken. 

“Bіz Nurqanattyń osyndaı jaǵdaıǵa jetýіne osy oqıǵalardyń barlyǵy, sondaı-aq Nurqanatqa jala jaýyp, shabýyl jasaǵan tulǵalar sebep boldy dep oılaımyz. Bul týraly prokýror Berіk Adamovpen de sóılestіk”, – deıdі Aıtbek Amangeldі. 

Eske salsaq, osyǵan deıіn Talǵardyń shetіnen Sherzat Bolattyń aǵasy Nurǵanat Ǵaıypbaevtyń denesі tabylǵany týraly jazǵan edіk. Polıtsııanyń málіmetіnshe, 30 jastaǵy er adam asylyp, óz-ózіne qol jumsaǵan.