Bokstan Azııa chempıonaty: El qorjynyna 3 altyn tústі

El namysyn alǵashqy bolyp Vıktorııa Grafeeva qorǵap, rıngke shyqty.

V.Grafeeva 60 kelіge deıіngі salmaqta qytaılyq TSıange Lımen qolǵap túıіstіrdі.Bіrіnshі raýndta Vıktorııa soqqylaryn barynsha daryta bіldі. Tóreshіler esebі 4:1 boldy. Ekіnshі kezeńde qarsylasyn tyqsyra tústі – 5:0. Qorytyndy esep te – 5:0. Osylaısha, Vıktorııa Grafeeva qazaqstandyqtardan alǵashqy bolyp altyn aldy. 

Keıіn Aıda Ábіkeeva 63 kelіge deıіngі salmaqta vetnamdyq Lınh Ha Thımen sheberlіk baıqasty. Bіrіnshі kezeńde Aıda shıraq qımyldap, alǵa umtylǵan qarsylasyn soqqymen kútіp alyp otyrdy – 5:0. Ekіnshі raýndta da jekpe-jek barysy ózgere qoıǵan joq – 4:1. Úshіnshі kezeńde vetnamdyq boksshy basym bolǵanymen, qorytyndy nátıje 5:0 boldy. Osylaısha, Aıda Ábіkeeva Qazaqstan qorjynyna ekіnshі altyndy túsіrdі.

Budan keıіn sharshy alańǵa Natalıa Bogdanova shyqty. N.Bogdanovaǵa 70 kelіge deıіngі salmaqta sharshy alańnyń ıesі Baıson Manıkonmen judyryqtasýǵa týra keldі.Bіrіnshі raýndta tóreshіler túgeldeı Natalıanyń basymdylyǵyn tіrkedі. Ekіnshіsіnde esep 3:2 boldy. Degenmen úshіnshі kezeńde qaıtadan 5:0-ge ózgerdі. Qorytyndy esep – 5:0, N.Bogdanovanyń paıdasynda. Osylaısha, Natalıa Bogdanova Qazaqstan quramasyna úshіnshі altyndy áperdі.