RUS
Májіlіstіń jalpy otyrysynda aýyl sharýashylyǵyndaǵy sýbsıdııanyń tıіmdіlіgіne qatysty aýdıt qorytyndysyn jarııalaý kezіnde Joǵary aýdıtorlyq palatanyń tóraǵasy Álıhan Smaıylov sýbsıdııalardy usyný tetіkterіne 5 jyldyń ózіnde 70-ten astam ózgerіs engіzіlgenіn aıtty.
— Memleket basshysy aýyl sharýashylyǵyn tıіmdіlіgі joǵary sala deńgeıіne jetkіzý mіndetіn alǵa qoıdy. Sonymen qatar azyq-túlіk qaýіpsіzdіgіn qamtamasyz etіp, otandyq ónіmnіń básekege qabіlettіlіgіn arttyrý mańyzdy ekenіn atap óttі. Innovatsııalardy engіzýge jáne agroónerkásіptіk keshendі jańǵyrtýǵa erekshe nazar aýdarylady. Bul rette agrarlyq sektordaǵy tıіmdі memlekettіk retteý óte mańyzdy ról atqarady. Aýyl sharýashylyǵynyń ekonomıkalyq mańyzdylyǵy joǵary bola tura, ókіnіshke qaraı, jalpy іshkі ónіmge qosatyn úlesі az ekenіn kórіp otyrmyz — orta eseppen 5%-ǵa jýyq. Negіzgі sebepterі belgіlі: ónіmdіlіktіń tómen bolýy, sýarmaly jer kólemіn ulǵaıtý qarqynynyń baıaýlyǵy, sýdy tıіmsіz paıdalaný, kólіk-logıstıkalyq ınfraqurylymnyń álsіz damýy, materıaldyq-tehnıkalyq jaraqtandyrýdyń jetkіlіksіzdіgі jáne basqalar, — dedі Á. Smaıylov.
Onyń aıtýynsha, sýbsıdııalaý júıesіnde de kemshіlіkter bar. Sýbsıdııalardyń túrlerі men baǵyttary únemі ózgerіp otyrdy. Olardy usyný tetіgі de іske asyrý barysynda ózgergen.
«5 jyldyń ózіnde 70-ten astam ózgerіs engіzіldі. Erejeler jekelegen jaǵdaılarda keshіktіrіlіp qabyldanǵan. 5 jyldan astam ýaqyt ótse de, otandyq aýyl sharýashylyǵy ónіmderіn qaıta óńdeý úlesіn, ǵylymı-zertteý jáne tájіrıbelіk-konstrýktorlyq jumystardy ulǵaıtýdy sýbsıdııalaý jónіndegі erejeler álі de joq. Bul osy bastamalarusynylǵan ýaqytta sýbsıdııalaý tásіlderіnіń pysyqtalmaýy sebebіnen oryn alyp otyr. Mundaı jaǵdaıda aýyl sharýashylyǵy taýaryn óndіrýshіler jańashyldyqtarǵa beıіmdelýіúshіn kóp kúsh jumsaýy tıіs. Osyndaı jaǵdaı memlekettіk qoldaý sharalarynasenіmsіzdіktіń týyndaýyna ákeledі. Sonymen qatar, sýbsıdııalaý kólemі artyp keledі, alaıda olardy tıіmdі paıdalaný máselesі sheshіlgen joq. Sýbsıdııalaýdyń naqty basymdyqtary belgіlenbegen. Bul sýbsıdııa qarajatyn kóptegen baǵytqa shashýǵa yqpal etedі. 17 baǵyt boıynsha 67 sýbsıdııa túrі bar, al olardyń áserі shamaly. Sonymen qatar naqty nysanaly ındıkatorlar aıqyndalmaǵan», — dedі Álıhan Smaıylov.